Durante kòmbersashonnan den Karibe tokante herensia i museo, tin atenshon kresiente pa artefaktonan kultural entregá involuntariamente den e temporada kolonial. P’esei e ministernan di e Konsulta Ministerial di Kuater Pais a disidí pa lanta un grupo di trabou ‘kolekshonnan for di e konteksto kolonial’ (‘Collecties uit koloniale context’). Asina, museo- i instansianan di herensia den Karibe ta haña mas influensia riba e trato di e kolekshonnan aki.
Den e aña benidero, e grupo di trabou lo lo konsultá ku museo- i ku otronan enbolbí. Huntu nan nan lo traha un plan pa e kolaborashon entre e museonan i pa maneho di e kolekshonnan. Ademas nan lo yega na palabrashonnan tokante e proseso relashoná ku dunamentu bèk di kolekshonnan kolonial. Pa e ministernan, ta importante pa e plan aki kuadra bon ku loke e islanan ta hasiendo kaba den kuadro di e impakto di pasado di sklabitut.
E grupo di trabou aki lo representá kada isla/pais, tantu e paisnan outónomo, e munisipionan spesial, komo Hulanda Oropeo. E islanan/paisnan, kada un, ta aportá 2 miembro: un representante ofisial i un eksperto. Pa partisipashon den e grupo di trabou, tin preferensia pa ekspertisio riba tereno di kolekshon kolonial, kolaborashon kultural, òf maneho di museo i kolekshon. E formashon di e grupo di trabou ta tuma lugá aktualmente.
E grupo di trabou lo duna konseho pa e Konsulta Ministerial di Kuater Pais na novèmber 2026.
Den preparashon pa e grupo di trabou, Ministerio di Enseñansa, Kultura i Siensia a enkargá Arminda Franken ku e tarea pa hasi un eksplorashon na Aruba, Boneiru, Kòrsou, Saba, Sint Eustatius i Sint Maarten. E ophetivo di e eksplorashon akí tabata, na promé lugá, pa komprondé e nesesidatnan di institushonnan lokal di patrimonio. Na di dos lugá, pa inventarisá kolekshonnan i retonan. Na di tres lugá, pa duna rekomendashonnan pa koperashon interinsular i ku Hulanda Oropeo. Tradukshon na Papiamentu di e dokumento aki lo ta disponibel pronto.