Paga bèk debe di estudio DUO

Na Hulanda Karibense ta biba masoménos 1.000 eks studiante ku a studia na Hulanda i ku aya a haña un fiansa di estudio di Dient Uitvoering Onderwijs (DUO) pa esaki. Mayoria biaha nan no tabata sufisientemente na altura di e posibilidatnan pa paga nan debe di estudio. Pa e motibu aki algun a haña nan tin di haber ku un dùrwarder. 

Paga bèk debe di estudio DUO

Pa aliviá e problemátika di debe e minister di OCW a disidí ku e eks studiantenan di Hulanda Karibense por bini na remarke pa un areglo di pago personalisá pa un solo bia. Tur eks studiante ku un retraso den nan pago, di kual DUO tin un adrès di nan na Hulanda Karibense, ta risibí un oferta serka DUO ku un areglo di pago pa esaki. E kondishon mará na esaki ta ku pa mas tardá 5 di mei 2018 mester entregá un petishon pa redusí e montante pa luna (draagkrachtmeting). Por haña e formulario pa hasi un petishon pa redukshon di e montante pa luna riba e wèpsait www.duo.nl/antillen.

Si for di e ‘draagkrachtmeting’ resultá ku e eks studiante no por paga, e ora ei DUO lo hala e retraso di pago dirèkt bèk for di dùrwarder.

Si dado kaso hendenan tin duda ku DUO tin e adrès korekto, e ora ei pa siguridat por manda un e-meil na antillen@duo.nl i menshoná:

  • Nòmber i fam
  • Fecha di nasementu
  • Adrès
  • Number di telefòn