E aña eskolar aki, 2019/2020, lo no tin prueba final pa alumnonan den grupo ocho di skol básiko

Manera ta konosí gobièrnu Hulandes den konsulta ku partnernan den enseñansa a tuma e desishon pa kanselá e prueba final di grupo 8 di skol básiko di aña eskolar 2019/2020. Esaki ta debí ku mundu henter ta den gara di coronavirus i esaki ta trese kuné ku mester tuma medidanan drástiko pa frena plamamentu di e vírus.

eindexamens

Na e momento aki maestronan, kabesnan di skol i sobra trahadó den enseñansa na Boneiru ta hopi drùk ku akohida di emergensia.

Alumnonan aktual di grupo ocho na ougùstùs benidero lo drenta enseñansa avansá basa riba konseho di nan maestro di skol i esaki ta basa riba e periodo ku ta tras di lomba. E maestro di e alumnonan aki  tin un bista amplio kon e alumno a desaroyá i ta bon na haltura kiko ta e interes i potensial di e alumno.

Si pa kualkier motibu un mayor no ta di akuerdo ku e konseho di skol básiko e por tuma kontakto libremente ku e maestro konserní pa mas informashon i splikashon.

Den enseñansa avansá lo sigui desaroyo di kada alumno prosedente di skol básiko di aserka pa wak si di bèrdat e alumno ta den e tipo di enseñansa ku ta kuadra ku su kapasidat.