Anochi di informashon tokante ‘Staatsexamen’ pa Enseñansa Sekundario
Entrante 2011 ta posibel pa pasa ‘Staatsexamen’ (di Hulanda) pa Enseñansa Sekundario aki na Boneiru mes. Por pasa èksamen den diferente materia riba nivel di VMBO, HAVO i VWO. Den e kuadro aki, DUO den koperashon ku RCN/OCW ta organisá un anochi di informashon riba djamars promé di sèptèmber 2020. E enkuentro aki ta pa (mayornan di) hóben ku ta bai skol i tur hende den region ku ta deseá di hasi e ‘Staatsexamen’ na Boneiru.
Entre otro lo splika kiko e èksamen ta enserá eksaktamente i pa ken e ta intenshoná. Tambe lo trata e diferenshanan i e similaridatnan entre e ‘Staatsexamen’ i e èksamen regular i tambe e aspektonan práktiko. Pensa por ehèmpel riba e prosedura di inskripshon i kiko e gastunan ta, ki dia eksaktamente e èksamennan ta tuma lugá, kon i unda ta eksaminá i kiko ta e mihó manera pa prepará pa esaki.
E ‘Staatsexamen’ no ta intenshoná solamente pa hóben ku ta bai skol. Tur hende por partisipá, manera esnan ku a bandoná skol trempan, esnan ku ta deseá na drecha nan diploma, studiante ku enfermedat króniko, personanan di edat, detenidonan, studiante di skolnan di edukashon sekundario speshal (VSO) i studiante di skolnan ku no tin pèrmit di èksamen, manera algun skol priva. Por skohe pa un ‘profiel’ kompleto òf solamente algun materia (vakken).
Interesadonan ta bon biní djamars promé di sèptèmber 2020 for di 7:30 di anochi, pa partisipá na e enkuentro di informashon den e sala Cacique di Plaza Beach & Dive Resort Bonaire.