Nuebe detenido a gradua pa estudio di mbo
Komo parti di e proyekto ‘Ban pa Kambio’, siman pasá, tres detenido a optené un diploma mbo-1 na e Instituto Hudisial Hulanda Karibense (JICN). Un total di nuebe detenido a hasi un èksamen di mbo. Tur e personanan aki a terminá e estudio ku éksito.
Detenido por partisipá na un estudio di mbo, si e bini na remarke. JICN ta ofresé tres estudio diferente di Mbo: bèrdè (hortikultura), konstrukshon (labor) i hóreka (kushina). E estudionan ta resultado di un koperashon entre JICN i Fundashon Forma. Den un tim, kual ta inkluí un atministradó di kaso, ta determiná e estudio ku ta kuadra mas mihó ku e detenido. Entretantu, kuater persona a optené nan diploma di hóreka, tres a pasa nan èksamen di konstrukshon i dos persona a haña un diploma den e estudio bèrdè.
Un stazje interno, un kantidat di èksamen di teoria i un prueba práktiko ta forma parti di kada estudio. Aña pasá, nuebe persona a terminá e èksamen final ku éksito, demostrando loke nan a siña durante nan estudio. E èksamennan a tuma lugá den e instituto bou di supervishon di eksaminadónan eksterno i un maestro.
Sigui un estudio ta un parti importante di e proseso di reintegrashon. E ta ofresé detenido posibilidat di un detenshon signifikante i ta ofresé posibilidat adishonal riba merkado laboral despues ku nan sali liber, loke ta redusí e riesgo di residivismo. Asina, vários èks-detenido ya a haña un trabou pafó di e instituto.