DUO ta ofresé apoyo na Boneiru

Dienst Uitvoering Onderwijs (DUO) lo bishitá Boneiru dia 29 di novèmber pa 10 di desèmber. Na e momento ei, DUO lo habri un ofisina di servisio temporal pa  kòmbersá  ku futuro studiante i (èks)estudiante. Banda di dje, DUO ta organisá reunionnan di informashon pa futuro studiantenan i ta ofresé asistensia personalisá pa personanan ku tin problema pa hasi pago.

DUO - Bezoek de Antillen

Informashon

E reunionnan di informashon ta enfoká riba studiantenan (i nan mayornan) ku ke studia na Hulanda i ke sa mas tokante finansiamentu di estudio. E reunionnan ta tuma lugá riba 29 di novèmber i 1 di desèmber, 19:00 PM. Ainda bo por registrá pa e reunion via duo.nl/bezoekantillen.

Ofisina di servisio temporal

Durante e bishita na Boneiru, lo habri un ofisina di servisio temporal na e edifisio di Ofisina di Impuesto na Kaya L.D. Gerharts 12. Aki nan personanan por pasa i hasi pregunta tokante finansiamentu di estudio Hulandes i pagamentu bèk di nan debe di estudio. No ta nesesario pa traha un sita na un ofisina di servisio. Esnan ku tin paga bèk mester bai ku un prueba di identifikashon i si ta posibel, tambe un deskripshon general di nan entradanan. Tambe, na e ofisinanan di servisio reunionnan riba invitashon ta tuma lugá ku personanan ku ta atrasá ku pagonan pa asina nan por haña un areglo di pago personalisá.

Paga bèk segun bo kapasidat

E bishita di DUO Bonaire ta un kontinuashon di un bishita eksitoso na Aruba i Kòrsou na luna di novèmber. Monique Hoogerwerf ta e koordinadó di e área di Karibe na DUO i a mira ku a yuda hopi hende ku problemanan di pago den e último simannan. Hoogerwerf: “Loke hopi hende no sa ta ku DUO por tene na kuenta un persona su entrada ora ta kalkulá e montante mensual. E ora ei bo ta paga bèk basá riba bo "kapasidat". Un èks-estudiante mes mester hasi petishon pa redukshon den e montante mensual. Hoogerwerf: 'Hopi hende ta paga un montante mensual mas abou despues ku deklará nan entrada òf tin bes no mester paga nada. Serka hopi èks-estudiante nos ta mira un gran alivio ora nan a haña un solushon pa nan retraso den pago. Pa motibu di esei tambe nos ke bisa esnan ku ta paga na Boneiru: Tuma kontakto ku nos. Nos por yuda bo!'

Pa Ministerio di Enseñansa, Kultura i Siensia DUO ta implementá, entre otro, lei i regulashon den e área di finansiamentu di institushonnan di enseñansa, implementashon di finansiamentu pa studiante i yudansa ku gastunan eskolar, kobransa di debe di studiante i e maneho i interkambio di datonan di kòpel na e number di enseñansa.