Nochi di informashon tokante Staatsexamen pa Enseñansa Sekundario na Boneiru
Desde 2011 ta posibel pa na Boneiru, pasa Staatsexamen hulandes pa Enseñansa Sekundario den diferente materia riba nivel di VMBO, HAVO i VWO. Den e mesun konteksto, DUO ta organisá un anochi di informashon den kolaborashon ku OCW-CG riba djamars 25 di òktober 2022.
E anochi di informashon akí ta pa (mayornan i/òf kuidadó di) hóbennan ku ta bai skol i kualke persona den e region ku ta deseá di pasa staatsexamen na Boneiru. Entre otro lo splika kiko eksaktamente e staatsexamen ta i pa ken e ta destiná. Tambe lo splika e diferensia- i similaridatnan entre staatsexamen i enseñansa regular.
Tambe lo duna informashon práktiko tokante staatsexamen, manera kon pa inskribí, kiko e gastunan ta, ki fecha presis e èksamennan ta tuma lugá, kon i unda nan ta tuma lugá i kon un hende por prepará su mes mihó.
Staatsexamen no ta solamente pa hóbennan ku ta bai skol. Tur hende por partisipá na esaki. Bo por skohe pa un pakete kompletu di materia òf pa un kantidat di materia lòs, ku bo por plama den diferente aña. Di e forma akí bo ta spar sertifikadonan ku huntu tin balor di un diploma. E diploma tin mesun balor ku unu di enseñansa regular.
Tur hende ku ke sa mas di esaki ta bonbiní pa partisipá na e reunion informativo na Liseo Boneriano, Kaya Amsterdam s/n, djamars 25 di òktober 2022 for di 19:00 or.