<FINEB> Mi a haña un karta den kua tin pará ku mi mester kuminsá paga mi fiansa di FINEB bèk. Pero den e karta no tin pará kon haltu mi fiansa ta. Kon mi por haña sa esaki?

Bo a haña un karta di preanunsio den kua ta pará ku bo mester bai paga bo fiansa di FINEB bèk na RCN-Studiefinanciering. Pronto lo bo risibí un karta den kua tin pará kuantu bo debe total ta i entrante ki dia bo mester bai paga bèk.

Paga tinu! No tur hende lo haña e karta aki mes momentu. Nos ta skirbi e debedónan den grupo. Nos no por bisa awor ainda den kua grupo bo ta i ki ora presis bo ta haña e karta di kontinuashon. Sòru en todo kaso ku nos ta disponé di bo datonan di adrès korekto i esunnan di bo bòrg.