Punto di notifikashon Inspektornan di konfiansa
Alumno, mayor, studiante, i kolaboradó di skol na Hulanda Karibense por haña nan konfrontá ku situashonnan indeseabel. Violensia seksual, sikológiko òf físiko, diskriminashon òf radikalisashon, por ehèmpel. Den e kasonan aki, bo por aserka e inspektornan di konfiansa di Inspekshon di Enseñansa.
Nan tei pa skolnan, institushonnan i sentronan spesialisá pa kuido den enseñansa riba e islanan di Boneiru, Sint Eustatius i Saba.
Duna oido i bon konseho
Aki nan nos lo splika ku kiko e inspektornan por yuda bo ku ne, i den kua situashonnan bo ta obligá pa tuma kontakto ku nan.
Ki ora bo mester tuma kontakto ku e inspektornan di konfiansa?
Si ta eksistí sospecho di abusu seksual (delito kontra moral), den algun kaso e obligashon di mèldu, (inmediato)konsulta i denunsia, ta aplikabel. E obligashon pa hasi denunsia ta aplikabel pa kolaboradó di skolnan. E obligashon di konsulta i denunsia ta aplikabel pa mando i outoridatnan kompetente. Si bo ta duda ku tabatin un kaso di abusu seksual òf intimidashon seksual, ta konsehabel pa tuma kontakto ku e inspektornan di konfiansa.
Mayor, alumno, dosente, direktiva i mandonan pero tambe persona di konfiansa por mail e inspektornan di konfiansa di Inspekshon di Enseñansa ora surgi problemanan (grave) rònt di skolnan riba a área di:
- intimidashon seksual i abusu seksual (delitonan kontra moral)
- violensia sikológiko i físiko
- diskriminashon i radikalisashon
E inspektornan di konfiansa ta skucha i informá. Si ta nesesario, e inspektornan di konfiansa, por ehèmpel, ta duna konseho tokante entrega di un keho formal òf preparashon di un denunsia. E inspektornan di konfiansa ta duna yudansa pa huntu yega na un solushon.
Aksesibilidat
Bo por manda un email ku un petishon pa yama bèk pa e inspektornan di konfiansa. Bo por manda bo mensahe pa CNvertrouwensinspectie@owinsp.nl.
Den kualke kaso, indiká bo nòmber i e number di telefòn na kua por lokalisá bo. Nos lo debolbé bo yamada for di Hulanda Europeo. Den e kaso nos ta tene kuenta ku e diferensia di orario ku Hulanda Karibense.
Konfidensialidat
Den e kaso di abusu seksual òf intimidashon seksual, e inspektornan di konfiansa mester mantené sekreto lokual a ser konfia dor di un partisipante den enseñansa, e mayornan di e partisipante den enseñansa, òf un persona enkargá ku tareanan na nòmber di un entidat.
Dispensashon di e deber di hasi denunsia i derechi di dibulgá informashon
Ta dispensá e inspektornan di konfiansa pa hasi denunsia den kaso di abusu seksual òf intimidashon seksual i, por lo tantu, e no ta obligá pa duna destimonio den korte tokante lokual ta kai bou su deber di sekresia.