Dikon bai Halt?
E delitonan pa kua ta manda hóbennan pa Halt ta kisas chikitu, pero tur e delitonan akí huntu ta pèrkurá pa daño i inkietut den komunidat. Por ehèmpel habitantenan di bario tin molèster di bakinan di sushi distruí, korementu sin reibeweis ta peligroso pa otro usuarionan di karetera i e doño di tienda tin pèrdida ora di ladronisia.
Si no atendé e infrakshonnan leve akí, hóbennan por haña e impreshon ku e no ta asina serio. E ora ei diriepente e por bai di malu pa pió: un delito chikitu kometé un biaha so ta bira un patronchi konstante di kondukta ku ta pasa límite. Ta importante pues pa para kriminalidat hubenil den un fase tempran!
Halt ta importante tambe pa hóbennan. Den kaso ku finalisá e trayekto di Halt korekto, ta evitá un anotashon hudisial. Esei ta nifiká ku e hóben no ta haña un karchi di kastigu. Tambe nan ta risibí ayudo durante e trayekto den kaso di eventual problemanan ku ta kousa nan komportashon ku ta pasa límite.