Hóbennan di bes en kuando kier wak te kon leu nan por bai. Esei ta pertenesé un tiki na nan edat. Pero tin bia nan ta bai muchu leu i nan ta kometé un krímen òf violashon di lei. Pensa por ehèmpel riba destrukshon, omishon di skol òf manehá sin reibeweis.
For di Ougùstùs 2020 Hulanda Karibense konosé derechi penal hubenil. Por kondená hóbennan bou di 18 aña pa delitonan. Den kaso di delitonan chikitu polis sinembargo por disidí pa manda hóbennan pa Halt. Aya nan ta haña oportunidat pa koregí nan kondukta kastigabel. Dor di hiba kombersashon, kumpli ku enkargonan di trabou i edukativo i ofresé diskulpa, Halt ta trata na para e komportashon ku ta pasa límite serka hóbennan mas tempran posibel. Ku komo meta pa prevení ripitishon i karchi di kastigu. Esei ta mihó pa e hóben i pa komunidat!
Halt ta parti di Voogdijraad Caribisch Nederland. Den esaki nan ta traha estrecho ku Kuerpo Polisial Hulanda Karibense (KPCN) i Ministerio Públiko (OM).
