Kiko ta un trayekto di Halt?

E kombersashon

Halt ta yama bo mayor-/mayornan di kriansa i ta invitá boso pa un kombersashon. Huntu ku un kolaboradó di Halt boso ta papia tokante loke a sosodé. Ta hasi tambe un proposishon pa e kastigu.

Enkargo di Halt

Meta di e enkargo di Halt ta ku bo ta siña di bo erornan. E enkargonan ta pas pa bo i pa bo delito i por konsistí di diferente parti:

• Enkargo edukativo: bo ta traha enkargo- i reportahenan tokante bo delito òf komportashon. Por ehèmpel bo ta siña indiká límitenan, atendé ku rabia òf preshon di grupo.
• Enkargo di diskulpa: ta importante pa bo realisá kiko e konsekuensianan ta di bo komportashon i ku e víktima ta sinti satisfakshon. P’esei bo ta pasa serka e víktima i bo ta ofres’é bo diskulpa.
• Enkargo di trabou: dor di traha un periodo sin risibí pago bo ta hasi algu bèk pa komunidat. Bo ta yuda por ehèmpel ku trabou di limpiesa òf piki bèrdura. E kantidat di ora ku bo ta hasi esei ta stipulá pa lei.

Kombersashonnan siguiente

Kisas bo a kometé e fayo pasobra bo tin problema. P’esei bo ta papia ku e mèntòr di Halt tokante bo situashon na kas, kon ta bai na skol i kua amigunan bo tin. Si ta nesesario, Halt por trese abo i bo mayornan den kontakto ku un persona ku por yuda bo ku e problemanan akí

Final di e trayekto

Si bo a pasa dor di tur esakinan korektamente, bo no ta haña un anotashon hudisial i pues no ta haña karchi di kastigu.