Den e Instituto Hudisial Hulanda Karibense delinkuentenan no por tin sierto opheto den nan poseshon. P’esei nos ta hasi tur esfuerso pa prevení importashon di opheto prohibí den nos institutonan.
Pensa riba opheto ku den komunidat públiko tampoko no ta permití: droga i arma. Ademas tin opheto ku pafó di e instituto ta legal, pero ku por ta prohibí ora bo ta será, manera telefòn móbil i otro, alkohòl i plaka. Tur e ophetonan prohibí aki Servisio Institutonan Hudisial (DJI) ta yama ‘kontrabanda’.
Aki bo ta haña un lista ku tur e ophetonan ku ta prohibí den JICN
Kontrabanda paden di e instituto por kondusí na ekstorshon, intimidashon i agreshon kontra un i otro. Tantu entre delinkuentenan komo entre delinkuentenan i personal. Poseshon di e ophetonan prohibí aki ademas ta oumentá e riesgo ku durante nan sentensia òf medida delinkuentenan ta sigui ku aktonan kriminal. I e ta stroba un bon re-integrashon.
Ta kastigabel pa trese kontrabanda den un instituto hudisial. Personanan ku ta trese ophetonan prohibí den e instituto hudisial a base di e disposishon aki ta kastigabel i JICN lo denunsiá e personanan aki serka polis.