Biaha ku un pasaporte Hulandes òf Merikano pa Hulanda Karibense?

Si bo tin e nashonalidat Hulandes òf e nashonalidat di Estádos Unídos (USA), bo mester kumpli ku algun kondishon ora bo ta biaha pa Hulanda Karibense.

Sòru pa tin:

  • Un pasport bálido pa durante henter e biahe. Esaki ta nifiká ku e pasport mester ta bálido ainda na momentu ku bo ta bandoná e isla tambe.
  • Un pasashi di regreso pa e pais for di unda bo ta bin, òf un pasashi di tránsito pa un otro pais.
  • Un adrès di hospedahe, por ehèmpel e adrès di e hotèl òf apartamento unda bo ta hospedá.

Komo persona ku un pasaporte Hulandes bo por keda máksimo 180 dia den un periodo di 365 dia na Boneiru, Sint Eustatius i Saba. E dia di yegada i e dia di salida tambe ta konta.  Dit geldt voor verblijf op alle drie de eilanden opgeteld gedurende die periode. Si den e tempu aki bo ta bai traha òf kore stazje e término di estadia liber no ta 180 dia, sino 90 dia. Si bo ta traha òf kore stazje mas ku 90 dia, bo mester pidi un deklarashon di rechtswege na IND. Hierover vind je meer informatie op de pagina van de IND Caribisch Nederland.

Kon mi sa kuantu tempu mi por keda na Hulanda Karibense?

Bo mes por kalkulá sobrá di e término di estadia liber. Djis konta kuantu dia bo a keda na Hulanda Karibense durante e último 365 dia i despues bo ta deskontá e dianan aki di e 180 dia di e término di estadia liber. Pone atenshon: Si durante bo estadia bo ta traha òf kore stazje bo ta konta 90 dia di e último 365 dia. Den kuadro di e término di estadia liber, no ta hasi diferensia kuantu dia bo ta traha òf kore stazje den e temporada aki; ku trabou i stazje e temporada aki ta bira 90 dia.

Ehèmpel 1: Den e último 365 dianan bo a keda 45 dia komo turista na Boneiru, Saba òf Sint Eustatius. Bo por keda 135 dia mas na e islanan aki, pasó 180 – 45 = 135.

Ehèmpel 2: Den e último 365 dianan bo a keda 60 dia na Boneiru, Saba i Sint Eustatius, di kua bo a traha 20 dia. Bo por keda 30 dia mas, pasó 90 – 60 = 30.

Ehèmpel 3: Den e último 365 dianan bo a keda 100 dia na Boneiru, Saba i Sint Eustatius di kua bo a kore stazje 21 dia. Bo a surpasá e término liber ku 10 dia, pasó 90 – 100 = -10. No ta hasi diferensia kuantu dia bo a kore stazje.

Eksepshionan

Pa algun hulandes tin un eksepshon riba e regla tokante e término máksimo di estadia permití. Wak pa mas informashon tokante e reglanan di eksepshon riba e página di eksepshonnan legal.