Bai directamente na kontenido

Eksepshonnan legal

Den e Lei di atmishon i ekspulshon (WTU) tin algun eksepshon poné. Esei ta nifiká ku ora personanan ta kumpli ku sierto kondishonnan, WTU no ta aplikabel pa nan. Den e kasonan aki bo por pidi un Deklarashon No Aplikabel (NVT), komo hulandes. Ku esaki bo por establesé bo mes libremente riba Boneiru, Sint Eustatius òf Saba. Esaki ta konta pa e siguiente personanan.

  1. Hulandesnan ku a nase na Boneiru, Sint Eustatius òf Saba, òf;
  2. Hulandesnan ku a nase dentro di Reino i di kua un di e mayornan a nase na Boneiru, Sint Eustatius òf Saba, òf;
  3. Hulandesnan ku ta biba for di 10-10-2009 na Boneiru, Sint Eustatius òf Saba i ku tabata inskribí te ku 11-10-2010, òf;
  4. Estranheronan ku a haña e nashonalidat hulandes na Boneiru, Sint Eustatius òf Saba, òf; 
  5. Si e lei no ta aplikabel riba un di e mayornan, e ora ei e no ta aplikabel riba e yunan ku a nasé dentro di Reino.    

Pa mas informashon pa pidi un Deklarashon No Aplikabel (NVT) wak e pagina di Imigrashon i naturalisashon.