Deklarashon No Aplikabel

Pa ken e formulario aki ta?

1.     Hulandesnan ku a nase na Boneiru, Sint Eustatius òf Saba;
2.     Hulandesnan ku a nase dentro di Reino i di kua un di e mayornan a nase na Boneiru, Sint Eustatius òf Saba;
3.     Hulandesnan ku ta biba, for di 10-10-2009 na Boneiru, Sint Eustatius òf Saba i ku tabata inskribí aki te ku 11-10-2010;
4.     Estranheronan ku a risibí e nashonalidat Hulandes na Boneiru, Sint Eustatius òf Saba;
5.     Si e lei no ta aplikabel pa un di e mayornan, e ora ei e no ta aplikabel pa e yunan ku a nase dentro di Reino.

Di kon e formulario aki?

Ku e formulario aki bo por entregá un petishon pa un deklarashon no aplikabel (NVT) (artíkulo 1a Wet Toelating e Uitzetting-BES) (Lei Atmishon i Ekspulshon-BES). Ku esaki ta wordu komproba ku bo no ta kai bou di stipulashonnan di e Wet Toelating en Uitzetting (Lei Atmishon i Ekspulshon).

Kua aneksonan mi mester agregá?

Esaki ta dependé di bo situashon. Riba e formulario ta pará kua anekso bo mester agregá den bo situashon. Sòru pa agregá tur kos. Solamente petishonnan kompleto ta wòrdu tuma den tratamentu.

Unda mi ta entregá mi petishon?

Bo por entregá bo petishon en persona na un di lokètnan di e IND-Unidat Hulanda Karibense. Pa esaki mester traha un sita (na tempu). Wak riba e página di kontakto, pa datonan di kontakto i oranan di apertura di tur ofisina di IND.

Bo tin nashonalidat hulandes? E ora ei bo por hasi petishon ònlain tambe.

Kiko ta pasa ku mi petishon?

Si bo a entregá bo petishon en persona na un di e lokètnan di e Unidat di IND Hulanda Karibense i bo petishon ta kompleto, bo petishon lo wòrdu tuma den tratamentu. Si bo petishon no ta kompleto, esaki no por wòrdu evaluá. Bo ta risibí mensahe por eskrito ora a disidí riba bo petishon.

Download formulario ‘Deklarashon No Aplikabel'