Petishon pa estadia pa hulandesnan

Hulandes pafó di Boneiru, Sint Eustatius i Saba

Bo ta hulandes oropeo òf bo ta hulandes for di Kòrsou, Sint Maarten i Aruba?

• E ora ei bo tin akseso liber pa Boneiru, Sint Eustatius i Saba te un máksimo di 180 dia pa kada 365 dia.
• Si bo tin intenshon di traha òf kore stazje durante bo estadia, ta konta un máksimo di 90 dia pa kada 365 dia. Esaki ta konta tambe ora bo no ta traha/kore stazje tur e 90 dianan.
• Si bo yega komo turista promé, pero despues ta bai traha/kore stazje, tambe e regla di 90 dia ta konta, en bes di e 180 dia.

E periodo di 90/180 dia ta kuminsá kore for di bo fecha di yegada.

Estadia mas largu

Bo ke un estadia turístiko mas largu di 180 dia òf mas largu ku 90 dia i alabes tambe traha/kore stazje (parsialmente)? E ora ei bo mester hasi un petishon pa un Deklarashon di Atmishon Legal.

Pa petishon di un ‘Verklaring van Rechtswege’ bo por traha un sita via di telefòn òf e-mail. Na e sita bo mester tin ku bo, entre otro, e formulario 'Verklaring van Rechtswege' yená. Den e anekso di e formulario ta indiká kua otro dokumento bo mester.

Bo tin nashonalidat hulandes? E ora ei bo por hasi petishon ònlain tambe.

Yunan di tera

Den sierto kaso bo por pidi un Deklarashon No Aplikabel (NVT), komo hulandes. Ku esaki bo por establesé bo mes libremente riba Boneiru, Sint Eustatius òf Saba. Esaki ta konta pa e siguiente personanan.

1. Hulandesnan ku a nase na Boneiru, Sint Eustatius òf Saba;
2. Hulandesnan ku a nase dentro di Reino i di kua un di e mayornan a nase na Boneiru, Sint Eustatius òf Saba;
3. Hulandesnan ku ta biba for di 10-10-2009 na Boneiru, Sint Eustatius òf Saba i ku tabata inskribí te ku 11-10-2010; 
4. Estranheronan ku a haña e nashonalidat hulandes na Boneiru, Sint Eustatius òf Saba;  

1. Si e lei no ta aplikabel riba un di e mayornan, e ora ei e no ta aplikabel riba e yunan ku a nasé dentro di Reino.  

Petishon ‘Deklarashon No Aplikabel'

Download: Flowchart Yunan di tera