Aksidente ku bòter di gas mayoria biaha ta konsekuensia di uzo robes i por trese konsekuensianan fèrfelu kuné. Gas ta invisibel, por sende kandela leve i por okashoná un eksploshon. P’esei ta di gran importansia pa semper atendé konsiente i kouteloso ku bòter di gas. Riba e página aki por haña mas informashon i tep tokante uzo seif di bòter di gas tantu paden komo pafó.
Keda leu for di kandela!
Nunka no bai ku vlam di kandela òf un sigaria òf sigá sende den besindario di un bòter di gas. Gas ta invisibel i inflamabel. Si un bòter di gas ku ta lèk bini den kontakto ku kandela e por kondusí na un situashon hopi peligroso.
Tipo di bòter di gas
Tin diferente tipo di bòter di gas optenibel. Ta uza bòter di gas mas grandi òf silinder (100 lbs) prinsipalmente na kas òf pa metanan komersial. Banda di esaki tin bòter di gas mas chikitu tambe optenibel (20, 32 òf 40 lbs) ku ta adekuá pa uzo rekreativo, manera pa un BBQ. Ora uza bòter di gas grandi, tin algun otro regla na vigor pa konekt’é, transport’é i ward’e, kompará ku bòter di gas chikitu mobil.
Warda/Almasená bòter di gas
Bòter di gas ta bou di preshon haltu, p’esei mester warda nan ku koutela. P’esei paga tinu riba e siguiente puntonan:
Warda i transportá bòter di gas stret pará. Pega e bòter di gas na un muraya ku un banchi òf kadena pa prevení ku e ta kai.
Warda bòter di gas semper solamente pafó di kas den un lugá fresku ku ta bon ventilá. Prevení ku e silinder ta para dirèkt den solo, pues pone esaki den un depósito/mangasina bon ventilá òf pafó den sombra.
No pone e silindernan den besindario di motornan eléktriko (distansia mínimo: 1,5 meter).
Tene e silindernan mas leu posibel for di den besindario di bo stof òf fòrnu (distansia mínimo: 3 meter).
Konektá bòter di gas
Un spesialista mester konektá bòter di gas grandi. Pa ku esaki ta importante pa bo mes kontrolá e konekshon i e instalashon di gas regularmente.
Kontrolá regularmente si e konekshonnan ta na òrdu ainda. Buska si tin lèkashi ku un kuashi ku líkido di laba tayo.
Laga kontrolá bo instalashon di gas kada sinku aña dor di un profeshonal outorisá.
Bòter di gas mas chikitu bo mes por konektá teniendo e siguiente puntonan na kuenta:
Paga tinu pa e bòter di gas ta konektá ku un slan di alto preshon aprobá i segun reglanan di e fabrikante.
Uza solamente slan di preshon aprobá di un máksimo di 1,5 meter di largura. Renobá e slannan minimalmente kada dos aña.
Semper uza un reguladó di preshon entre bòter di gas i e aparato di gas. E preshon di gas rekerí ta para riba e plachi di tipo di e aparato.
Ora ta konektá bòter di gas, monta e reguladó ku ta laga e preshon di mas haltu pasa dor, ku e aparato di uzo di mas serka.
Sòru pa e konekshonnan na ámbos banda ta ekipá ku klèm pa slan sólido.
Uzo di bòter di gas
Ora ta uza bòter di gas, tin algun regla i tep na vigor ku bo ta haña bou di e título ‘Opslaan of bewaren van gasflessen’. Paga tinu tambe riba e siguiente puntonan:
Nunka no yena bòter di gas ku LPG.Na momentu ku yena e bòter repetidamente ku LPG, e bòter por eksplotá. Esaki ta hopi peligroso.
Sera e kranchi di e bòter si bo no ta usando e aparato di gas. No uza hèrmènt ora ta habri of sera e kranchi; hasi esaki manual.
Laga stashonnan di yena rekonosé, yena e bòter di gas.
Nunka no pone un bòter di gas lòs banda di un BBQ, pero pone bon protehá ku sufisiente ventilashon. Esaki por ta un kompartimentu of por ehèmpel un pida karton.
Atendé ku profeshonalnan na momentu ku no por konektá segun e instrukshonnan. Espesialmente no bai eksperimentá bo mes.
Sera e kranchi di gas i kranchi di e silindernan ora bo bai ku fakansi.
No purba drecha slan daña, remplasá nan semper.
Aparato pa paga kandela
Den situashon kaminda kandela por surgi semper ta bon pa e aparatonan di paga kandela korekto ta optenibel. Mas informashon tokante aparatonan di paga kandela bo ta haña aki.
