Kontrol konhunto di KMar, KPCN i Inspekshon di Labor na sitio di konstrukshon
Riba 23 di novèmber 2017 un kòntròl a tuma lugá na un sitio di konstrukshon na Sabadeco. KMar, KPCN i Inspekshon di labor konhuntamente a ehekutá e akshon aki. Den esaki a kontrolá un total di diessinku trahadó riba dokumentonan bálido.
A ehekutá e akshon den kuadro di e supervishon di kumplimentu di e kondishonnan segun en Lei di Estranhero Laboral BES i e Lei di atmishon i deportashon BES.
Durante di e kòntròl aki lo siguiente a sali na kla:
- Kuater trahadó no por a demonstrá na e sitio ku nan tin un pèrmit di traha. Polis a bai ku nan warda kaminda mas despues nan mester a prueba ku nan tin e pèrmitnan di trabou bálido. Polis ta sòru pa e finalisashon.
- Un trahadó si tabatin e status di estadia pero e no tabatin pèrmit di trabou. E no mag ta presente na e sitio di konstrukshon ni e no mag traha mas.
- Dos trahadó no tabatin ni status di estadia ni pèrmit di trabou. Pues e dos trahadónan aki ta ilegal riba e isla. Polis ta sòru pa finalisashon.
Inspekshon di Labor mas aleu lo traha un prosèsverbal pa e dunadó di trabou en konekshon ku e ilegalidat.
Tur partido konserní ta wak bek riba un akshon eksitoso i bon kordiná.