Empleadonan nobo di JICN a slag pa e formashon básiko wardadó di prezu / siguridat di kompleho

Djaweps 22 di febrüari tras di lomba tabata un dia di graduashon festivo di e ‘Beroeps Opleiding (BBO)’ i e entrenamentu pa e Tim di asistensia interno (Intern Bijstands Team, IBT). E 11 graduadonan a pasa dor di un trayekto di formashon pisá. E grupo tabata konsistí di empleadonan nobo i empleadonan ku ya pa algun luna ta den servisio pero ku no por a sigui e formashon ainda. E entrenadónan a bini di e instituto di formashon di Dienst Justitiële Inrichtingen for di Hulanda Oropeo pa trein e empleadonan di JICN na mesun manera.

Empleadonan nobo di JICN a slag pa e formashon básiko wardadó di prezu / siguridat di kompleho

Treinen wardadó di prezu / siguridat di kompleho
Den e formashon pa wardadó di prezu / siguridat di kompleho ta trein riba ehekushon di tareanan di siguridat manera kontròl di akseso, inspekshonnan, listramentu preventivo i bishitá. Tambe ta empeñá formalmente riba un bon estilo di komunikashon, siña manehá komportashon desviá, aktuashon durante di situashonnan di krísis òf kalamidat i aplikashon di téknika di outodefensa. Ademas e wardadónan di prezu i ofisialnan di siguridat mester por ofresé ayudo di emergensia pa e instituto.

Treinen Tim di asistensia interno (Intern Bijstandsteam)
Den e treinen pa e Tim di asistensia interno ta siña téknikanan kon pa bui i listramentu preventivo. Tambe uso di un baston, pèpersprei i protektor ta bini dilanti. Ademas ta trata diferente proseduranan pa asina wardadó nan di prezu ta di trein pa kon reakshoná adekuadamente riba kada situashon. Asina nan ta siña kon pa drenta den diferente sel i kon pa guia detenidonan na por ehèmpel un trapi òf bùs. E wardadónan di prezu ta wòrdu di trein di tal manera ku durante kualkier situashon por garantisá e siguridat.

E empleadonan a keda someté na un kantidat di tareanan físikamente pisá pa asina e tim den su totalidat, keda komuniká i funshoná bon asta bou di preshon haltu. Wibo de Vries, direktor di JICN: “Nos ta trahando riba e kontinuidat i desaroyo di nos organisashon komo spesialistanan di detenshon. Trein empleadonan ta forma un parti importante den esei. Empleadonan ta haña e oportunidat pa sigui krese i ta empeñá enormemente den formashon. Nos ta orguyoso ku e personanan aki a konkluí e treinen aki eksitosamente”.