Kas di seguridat Boneiru ta sigui
E kas di Seguridat Boneiru ta eksistí for di mart 2015. Ta uza e supsidio ku gobièrnu di Reino a duna Stichting Reclassering Caribisch Nederland, pa hür un mènedjer di proseso. E mènedjer di proseso aki ta konektá tur e partidonan ku ta traha huntu ku e kas di Seguridat.
E nomber ta sugirí un edifisio òf un kas di akohida, pero esaki no ta e kaso. E kas di Seguridat ta un kolaborashon entre 15 diferente organisashon. Esakinan tur ta organisashonnan ku ta traha den kuido, hustisia, enseñansa i maneho (OLB). Huntu nan ta dil ku e problemátika enkuantu violensia doméstiko, famianan ku problema, problemátika bou di hóbennan, kuido despues di detenshon i situashonnan di molèster. Ora ta trata di tipo di problemanan asin’aki tin mester di diferente organisashon i partnernan di kadena pa por yega na un solushon adekuá.
Despues di e fase piloto di 2 aña, den 2017 a bolbe otorgá un supsidio pa tres aña. E islanan Saba I Sint Eustatius tambe ta inkluí den e areglo di supsidio. Ku esaki e kas di Seguridat ta haña e chèns pa sigui traha riba kasonan kompliká. Ta investigando te na ki medida, i na su debido tempu, OLB por asumí e kontrol riba e kas di seguridat for di ‘Stichting Reclassering.