Rijksvastgoedbedrijf ta inisiá desmantelashon di prisòn bieu

Entrante 14 di mart 2019, ta inisiá ku e promé fase di desmantelashon di e prisòn bieu.

RVB JICN oudbouw

E desmantelashon ta planiá den tres fase. E promé fase ta dura te ku 15 di aprel 2019 i ta trata mudansa di e kònteinernan i diferente hèkwèrk.

Pa limitá e molèster mas tantu posibel pa sobra tráfiko, lo traha un kaminda temporal ku ta konektá e kaminda di tera dilanti di entrada di prisòn ku e tereno di stadion.
Lo transportá e kònteinernan ku trùk grandi for di e tereno di stadion pa nan destinashon final. Riba e tereno di stadion e trasbordo tambe lo tuma lugá. Pues ta posibel ku lo pone algun kònteiner temporalmente akinan.

Lo uza mayoria di e kònteinernan den kura di e prisòn nobo situá na Plantage Aruba. Banda di esaki lo trasladá algun kònteiner pa otro instansianan (di gobièrnu), manera SGB i ‘Integrale Wijkaanpak’. Lo bolbe uza tur kònteiner i hèkwèrk.