Duana Hulanda Karibense ku kontrol multidisiplinario den kolaborashon ku KMar i KPCN

Djasabra 6 di yüni, duana, huntu ku partnernan di kadena KMar i KPCN, a tene un kontrol multidisiplinario  na Kaya C.E.B. Hellmund i e pir di sùit, kaminda un kontrol 100% a tuma lugá riba artíkulonan prohibí, importashon ilegal i balides di seguro i reibeweis. Tambe a kontrolá riba dokumentonan di estadia bálido.

Controle

Durante di e promé parti di e akshon aki, riba e pir di sùit, a kontrolá 52 vehíkulo. Serka dos vehíkulo a uza e kachó di narkótiko. Durante di e akshon a topa ku un harpun i kantidat chikitu di hash. A konfiská esakinan. KPCN a duna dos shofùr ku no tabatin nan dokumento na òrdu  prosès ferbal. Durante di e segundo parti na e parti di kosta sùit di Boneiru, a kontrolá un total di 12 vehíkulo na diferente sitio. No a topa ku niun partikularidat.

Kontrolnan multidisiplinario a tuma lugá mas bes den e periodo tras di lomba i nan ta resultá di ta eksitoso. Duana, KMar i KPCN ta satisfecho ku e kolaborashon i efektividat. Dor di uni forsa i ekspertisio por ehekutá e kontrolnan mas amplio hasiendo esaki no solamente mas efisiente sino tambe mas efektivo. Lo tene tipo di kontrolnan multidisiplinario ku mas frekuensia e aña aki.