Selebrashon anual di siman di bewaker na Aruba

Un biaha pa aña e trahadónan di JICN di Boneiru, paisnan i isla bisiña ta para ketu na e trabou importante, bunita i difísil di trahadó di prisòn. Manera ta tradishon e dia ta kuminsá ku un selebrashon di misa i ta finalisá ku un fiesta animá.

Bewaardersdag

E trahadónan ta bisti un unifòrm  di seremonia, ku orguyo pa e ofishi ku nan ta ehersé. Ta un dia pa tuma tempu i reflehá huntu riba kiko nan komo trahadó di prisòn ta para pe i kua kontribushon nan ta duna na un komunidat mas sigur.

Paisnan Kòrsou, Sint Maarten, Aruba i Sürnam konhuntamente ku Boneiru a organisá na komienso di òktober un siman ku diferente aktividat di deporte, wega i ambiente. E aña aki a toka Aruba pa ta e anfitrion. Alabes ta usa e oportunidat pa reuní tokante mihó kolaborashon entre e pais- i islanan pa loke ta trata maneho di prisòn. E aña aki e duplikashon pa tin maneho similar entre e institutonan korekshonal a inisiá, ku Boneiru komo sentro di konosementu. Esaki a sali for di e “Justitieel Vierlanden Overleg” den kual ministernan di Sint Maarten, Aruba, Kòrsou y Hulanda a keda representá. E direktornan di e institutonan a ekspresá nan deseo pa Sürnam tambe konektá na e ret di kolaborashon aki.

E meta di siman di bewaker i dia di bewaker ta pa interkambiá konosementu, pero prinsipalmente pa fraternisá i dibertí, paso esaki tambe ta na su lugá den e ramo aki. Tur kuater pais ta entusiasmá pa e siguiente biaha. E aña benidero Sürnam lo ta na bùrt pa risibí e otro paisnan.