Peter Hengeveld ta drenta den funshon komo direktor di JICN entrante promé di yüli 2025
Peter Hengeveld a kuminsá riba promé di aprel 2025 na Dienst Justitiële Inrichtingen (DJI) na Hulanda Oropeo komo preparashon pa su funshon nobo komo direktor di Instituto Hudisial Hulanda Karibense (JICN). Despues di un periodo di introdukshon di un luna na Hulanda Oropeo e ta sigui ku su preparashon na Boneiru den luna di mei. Entrante promé di yüli 2025 e ta tuma e funshon di direktor di JICN di forma ofisial na su enkargo i ta sigui asina e direktor aktual, Wibo de Vries.
Na febrüari Hengeveld a bishitá Boneiru pa sera konosí, kaminda ku el a sera konosí ku e instituto i a hasi preparashonnan práktiko pa su mudansa benidero.
Peter Hengeveld: ”Mi ta ansioso pa inisiá komo direktor di JICN ku e tareanan importante i desafiante ku ta warda riba nos. Huntu ku mi koleganan mi ke traha riba un sosiedat seif na e tres islanan. Pa esei un bon kolaborashon ku nos partnernan ta esensial.”
Peter Hengeveld tin 32 aña di eksperensia den Kuerpo di Marinir, kaminda ku el a ehersé diferente tarea den e sektor di prizòn den e parti Karibense di Reino. Despues el a traha komo direktor operashonal na un kompania di marmer i komo direktor - dirigente di un instituto di enseñansa privá pa estudio di MBO i HBO.
Su nombramentu komo direktor di JICN ta resultado di un prosedura di reklutashon habrí, kaminda a hasi e vakatura konosí ampliamente pa duna tur hende oportunidat pa solisitá.