Sr Albertico Rosaria ta selebrá 30 aña di servisio
Sr Albertico Rosaria ta selebrá 30 aña di servisio komo ámtenar, di kua 24 aña kaba e ta kontribuí komo bombero, na siguridat di Boneiru.
Di dia i anochi e ta pará kla pa protehá nos komunidat. Ku su konosementu amplio i eksperensia, el a inspirá hopi kolega i a fortalesé e kuerpo. E logro aki no solamente ta enfatisá su kontribushon impresindibel na un ambiente di bida seif, pero tambe e importansia di kolaborashon den e kuerpo .
Kuerpo di Bombero Hulanda Karibense ta gradisí sr Rosaria pa su añanan di esfuerso i ta felisit’é ku su 30 aña di servisio.