Grupo nobo di aspirante pa kuerpo di bombero a start
Resientemente dies (10) aspirante a start na Kuerpo di Bombero Hulanda Karibense (BKCN). A selektá nan despues di un trayekto intensivo ku entre otro tèst di deporte, skrinen i vários ronda di solisitut. Na sèptèmber nan ta kuminsá ku e estudio di bombero di un aña ku ta prepará nan pa un karera komo bombero riba nos islanan.
E simannan benidero e aspirantenan lo sera konosí ku e kuerpo i e área di den forma di un ‘soft-introduction’. E ‘soft introduction’ ta yuda nan pa haña konfiansa ku e organisashon, promé ku e estudio kuminsá.
Denter di poko dos aspirante di Sint Eustatius i Saba tambe lo bin pa forma parti di e grupo. Di e manera aki preparashon di tur tres isla ta garantisá. BKCN ta invertí kontinuamente den un personal di bombero bon di train ku ta kla pará di dia i anochi pa yuda habitantenan na momentu di kandela, aksidente i otro situashon di emergensia.
Dor di invertí awor den estudio i guia, BKCN ta konstruí na seguridat di mañan. Un servisio di yudansa ta kuminsá na koleganan motivá i bon prepará. Nan ta e generashon nobo di bombero riba nos islanan i nos tur mester ta orguyoso di esei.