Estadia Turístiko

Hulandesnan i merikano

Hulandesnan europeo, hulandesnan di Kòrsou, Sint Maarten i Aruba i merikano tin entrada liber pa Boneiru, Sint Eustatius i Saba te ku un máksimo di 180 dia pa kada 365 dia. Si e hulandesnan i merikanonan aki ke traha òf kore stazje, e ora ei un término di estadia máksimo di 90 dia pa kada 365 ta konta sin un Deklarashon di Atmishon Legal por eskrito.

Ehèmpel: Den un periodo di 365 dia bo ta keda 60 dia na Boneiru, Saba i Sint Eustatius, dia kua bo ta traha 20 dia. Despues di e estadia bo tin 30 dia mas di término liber: 90 – 60 = 30.

Otro nashonalidat

Estranheronan tin máksimo 90 dia pa kada 180 dia entrada liber pa Boneiru, Sint Eustatius i Saba pa máksimo tres luna di kada seis luna. Esei ta nifiká ku pa e temporada ei no tin mester di Pèrmit di Estadia. Bo mester kumpli si, ku sierto kondishon, manera por mustra un prueba di regreso i un pasaporte ku ta bálido durante bo bishita kompleto. E periodo di tres luna por wòrdu redusí pa e ámtenarnan na frontera (KMar) dependiendo di e meta di bo bishita i bo medionan di eksistensia.

Den sierto situashon estranheronan mester di un visa. Preguntanan general tokante otorgamentu di visa den Karibe (turístiko c.q. estadia korto pa e paisnan Aruba, Kòrsou, Sint Maarten i pa e islanan Hulanda Karibense, Boneiru, Sint Eustatius i Saba) por wòrdu dirigí pa e embahada òf konsulado di e Reino Hulandes den bo pais.

Pa mas informashon tokante via wak riba www.nederlandwereldwijd.nl