Momentu spesial na IND: A duna bida na e dibuho ganadó
IND ku orguyo ta anunsiá ku a kombertí e dibuho ganadó di e kompetensia di dibuho resien den un obra di arte. Inspirá pa e diseño kreativo di un alumno talentoso Brayden Oleana di skol San Bernardo, e artista ku ta pinta riba muraya di kaya, Marz a traha un obra di arte riba e flur pafó na entrada di e edifisio di IND. E resultado ta bunita i ta reflehá e kreatividat i embolbimentu di e alumnonan.
E desvelo festivo a tuma lugá 15 di yanüari. Dos klas, ku un total di 41 alumno entusiasmá, a bishitá IND. Durante nan bishita nan a haña un rekorido, nan a siña mas di e trabounan di IND i a disfrutá di un pasapalo i algu di bebe. E punto mas haltu di e atardi tabata desvelo di e dibuho di flur – un momentu spesial.
IND ta gradisí tur esnan enbolbí pa nan esfuerso i kreatividat. E obra di arte aki, basá riba e dibuho ganadó, ta simbolisá e balor di kolaborashon i kreatividat.