Pèrmit di Estadia pa tempu definí ku MVV
Pa ken e formulario aki ta?
Personanan ku a bini na e Entidat Públiko ku un Outorisashon pa Estadia Temporal (MVV) bálido i ke keda aki ku e mesun meta di e estadia, pa kua nan a haña e MVV. Si e meta di estadia ta mesun kos, pero tin un kambio den e situashon personal òf di bo referensia (e dunadó di estadia), bo mester agregá kopia di dokumento ku ta mustra kiko a kambia.
Di kon e formulario aki?
Ku e formulario aki bo por hasi un petishon pa un Pèrmit di Estadia pa tempu definí riba e Entidatnan Públiko.
Kua anekso mi mester agregá?
Dependiente di e meta pa kua bo ta pidi estadia, dokumentonan mester wòrdu entregá i formularionan yená. Kua eseinan ta, ta pará den e lista di dokumento riba e formulario di petishon.
Unda mi ta entregá e formulario?
Si a disidí positivamente riba bo petishon di MVV, bo mester biaha pa Boneiru, Sint Eustatius òf Saba dentro di tres luna despues di a risibí bo MVV Boneiru, Sint Eustatius òf Saba. Dentro di tres dia despues di bo yegada , bo mester pidi un Pèrmit di Estadia pa e meta di estadia pa kua e MVV a wòrdu otorgá, na un di e lokètnan di IND-Hulanda Karibense. Pa e datonan di kontakto i e oranan di apertura di tur ofisina di IND, por wak riba e página di kontakto.
Kiko ta pasa ku mi petishon?
Si bo a entregá bo petishon en persona na un di e lokètnan di e Unidat di IND Hulanda Karibense i bo petishon ta kompleto, bo petishon ta wòrdu tumá den tratamentu. Si bo petishon no ta kompleto, esaki no por wòrdu evaluá. Bo ta risibí mensahe por eskrito ora a disidí riba bo petishon.
Kiko si mi petishon a wòrdu aprobá?
Si bo petishon a wòrdu aprobá, bo mester inskribí bo mes na e departamentu di Asuntunan Sivil den e atministrashon básiko. Esaki ta obligatorio. Ora bo a inskribí bo mes, lo traha un karnèt di identifikashon (sédula) pa bo na e departamentu di Asuntunan Sivil . Pa esaki bo mester trese e siguiente dokumentonan original (no kopia):
- E disposishon di IND (den kua tin pará ku a otorgá bo un Pèrmit di Estadia.)
- Un pasaporte
- Un sertifikado di nasementu (no mas bieu ku diesdos luna)
- Akta di matrimonio (no mas bieu ku seis luna i si ta aplikabel)
- Akta di divorsio (no mas bieu ku seis luna i si ta aplikabel)
- Deklarashon di estado sivil (no mas bieu ku seis luna i si no tabata kasá anteriormente)
- Un anunsio di mudansa/anunsio di kanselashon di residensia no mas bieu ku tres luna (i solamente ora ta bini for di Reino!)
Klik aki pa mas informashon tokante di e departamentu di Asuntunan Sivil. Bo ta sali for di e wèpsait di Rijksdienst Caribisch Nederland.
Paga tinu!
Si bo petishon a wòrdu aprobá, bo ta risibí un Pèrmit di Estadia pa tempu definí. Si bo ke keda mas largu, prolongá bo Pèrmit di Estadia na tempu.
Download formulario ‘Pèrmit di Estadia pa tempu definí ku MVV’