Bo ke bai di biahe miéntras ku bo aplikashon di estadia ta den proseso ainda i bo mester di un visa?
- Apliká pa un visa di regreso por lo ménos dos siman promé ku bo fecha di biahe.
- Tene na kuenta ku por rechasá bo aplikashon pa un visa di regreso den algun kaso. Esaki por pasa ora ku probablemente no ta aprobá bo aplikashon di pèrmit di estadia. Pues kumpra un ticket pa biahe ora ku bo sa sigur ku bo visa di regreso ta aprobá.
- Abo mes mester buska informashon promé ku bo biahe na e paisnan konserní tokante e dokumentonan eksakto rekerí pa por drenta e pais. E visa di regreso pa Boneiru, Sint Eustatius i Saba ta bálido solamente pa biahe di entrada i salida di e islanan akí.
- Bo tin un nashonalidat ku un visa no ta nesesario p’e? E ora ei bo no tin mester di apliká pa un visa di regreso. Bo por biaha ku bo anotashon di estadia (sticker). Pero paga tinu riba balides di esaki.
Bo tin pregunta?
Tuma kontakto e ora ei ku IND via telefòn, meil òf pasa na e bali di informashon.