Departamento di Inspekshon Marítimo Hulanda Karibense

Tin ofisina tantu na Boneiru komo na Sint Eustatius. E ofisina prinsipal na Boneiru ta manehá pa e inspektor prinsipal Koert Heidergott i e ofisina na Sint Eustatius pa inspektor marítimo Marniks Rink.

Tur barku ku ta den awanan di Hulanda Karibense mester ta registrá. Esaki ta konta tantu pa barku di rekreashon, pa barku di piskamentu komo pa barku di nabegashon komersial.

Barku di rekreashon i di piskamentu te ku 12m

Barkunan di rekreashon i piskamentu registrá na Hulanda Karibense (Boneiru, Saba i Sint Eustatius) mester kumpli ku e vaartuigenwet 1930 BES (Lei Barku Marítimo 1930 BES). E supervishon di Boneiru, Sint Eustatius i Saba ta ehekutá pa e hafenmesternan. Nan ta evaluá e barkunan i ta emití e karchi di registrashonnan nesesario.

Mas informashon tokante e ofisinanan di haf na Boneiru, Sint Eustatius i Saba:

• Bonaire
• Sint Eustatius
• Saba

Barku di nabegashon komersial

E supervishon di e barkunan akí ta ehekutá pa Inspekshon Marítimo di Hulanda Karibense. E inspekshon marítimo ta supervisá nabegashon komersial internashonal bou di bandera strañero (Kòntròl di Nashon di Haf/Port State Control PSC) i nabegashon komersial internashonal bou di bandera hulandes. (Kòntròl di Bandera di nashon strañero/Flag State Control FSC).

Inspekshon di barku marítimo di nashon strañero (Port State Control, PSC)

ILT (Inspekshon Medioambiente i Transporte) ta hasi inspekshon riba barkunan marítimo ku un bandera strañero, den e hafnan i na bui di ankra di Hulanda Karibense. Hulanda Karibense ta miembro di Caribbean MoU on Port State Control (Akuerdo di Palabrashon Karibense di Inspekshon di barku marítimo di nashon strañero). Esaki ta un kolaborashon entre vários pais karibense, ku e meta pa ekskluí barku ku no ta kumpli ku normanan internashonal di siguridat.

Tur pais ku ta partisipá ta hasi inspekshonnan 'PSC' di e mesun manera. Asina ta krea i ta promové un kampo di nabegashon igual denter di e region. E inspektornan ta kontrolá si e barkunan ta kumpli ku e rekisitonan di seguridat, medio ambiente i kondishonnan laboral. Esaki segun ta palabrá den e normanan di e Organisashon Marítimo Internashonal/Internationale Maritieme Organisatie/International Maritime Organization (IMO).

Inspekshon di barku hulandes (Flag State Control)

Inspekshonnan di barku marítimo ku bandera hulandes ta tuma lugá na Hulanda Karibense meskos ku na Hulanda. Lesa mas tokante inspekshon di barku marítimo hulandes.

Legislashon i kódigonan karibense

Pa barkunan marítimo ku ta operá den e área di e islanan karibense, ta apliká entre otro e reglanan internashonal di Solas i Marpol. Banda di esaki tin ainda dos kódigo internashonal spesífiko mas:

1. SCV-code: E kódigo akí ta aplikabel pa barkunan di pasahero i di karga ku un largura entre 5 pa 24 meter.
2.  CCSS-code: E kódigo akí ta aplikabel pa barkunan di karga mas largu ku 24 meter pero ménos ku 500 GT.

Barkunan ku ta kai bou di un di e kódigonan akí mester tin un sertifikado ku ta pertenesé na e kódigonan akí.

E vershonnan mas resien di e kódigonan i e legislashon marítimo hulandes por haña riba e website di Nederlands Regulatory Framework (NeRF).

Rekisitonan di tripulashon pa barkunan bou di CCSS i e kódigo di SCV

Pa kualke tipo di aktividat komersial, ta rekerí pa no solamente e barku ta sertifiká, pero tambe e tripulashon. Barkunan ku ta suheto na e konvenshonnan i e CCSS mester kumpli ku e reglanan di e konvenshon di STCW relashoná ku tripulashon.

Pa barkunan ku ta kai bou di kódigo di SCV, e tripulashon mester tin e sertifikashon korekto, manera Boatmaster 3, 2 òf 1, dependiendo di e rekisitonan spesífiko stipulá den e kódigo di SCV.

Rekisitonan pa barku marítimo registrá na Hulanda Karibense

Pa barkunan lokal ku ta operá denter di e fronteranan stipulá e reglanan ta inkluí den e “Areglo seguridat di barku marítimo” spesífikamente den anekso 6 artíkulo 41b. Tambe por haña e reglanan akí den e legislashon hulandes:  wetten.nl - Regeling - Regeling zeevarenden - BWBR0032140 (overheid.nl).

Barkunan ku ta kumpli ku e reglanan akí por bini na remarke pa un Sertifikado Nashonal di Seguridat. E área di nabegashon pa kua esaki ta konta ta deskribí den e “Regeling veiligheid zeeschepen / Areglo di seguridat pa barku marítimo” deskribí pa kada isla i ta ekstendé te un par di mia for di kosta.

Diplomanan di Boatmaster i Varbeweisnan

Por optené e diplomanan nesesario di Boatmaster na un instituto rekonosé pa Hulanda. Pa transformá e diploma akí den un varbeweis di Boatmaster, tambe ta rekerí un sertifikado di VHF, ku ta optenibel na Rijksinspectie Digitale Infrastructuur bes@agentschaptelecom.nl. Dependiendo di e varbeweis Boatmaster, ta rekerí tambe un eksámen médiko òf un sertifikado di un dòkter di kas. Por ta ku ta rekerí un prueba di tempu di nabegashon akumulá. Esaki por hasi ku presentashon di un buki di nabegashon, i si esaki no ta disponibel, ku un deklarashon di e dunadó di trabou òf un deklarashon di e hafenmester. Ademas por ta ku mester sigui un training di seguridat básiko (basic safety training).

Ora ku a kolektá tur e dokumentonan nesesario pa apliká pa un varbeweis di Boatmaster, por yena e formulario di aplikashon, i huntu ku e dokumentonan nesesario por manda esakinan via e-mail na Inspekshon Marítimo di Hulanda Karibense nsicn@rijksdienstcn.com, ku ta sòru pa emití e varbeweisnan pa Boatmaster 1, 2 i 3. Pa otro dokumento, CoCnan i bukinan di nabegashon, por tuma kontakto ku KIWA.

Download: Statement Sailing Time Boatmaster

Pa mas informashon

E-mail	nsicn@rijksdienstcn.com
Tel	+599 7900413