Barkunan marítimo profeshonal

Nabegashon Nashonal

Pa barkunan ku ta operá den e limitashon di teritorio definí den artíkulo 41b di e Reglamento di Seguridat di Barkunan Marítimo pa e kosta di Boneiru, Sint Eustatius òf Saba, e siguiente eksigensianan spesífiko ta aplikabel:

• Karchi di registrashon emití pa e kapitan di haf na nòmber di e entidat públiko.
• Pèrmit pa nabegashon komersial emití pa e kapitan di haf na nòmber di e entidat públiko.
• Sertifikado Nashonal di Seguridat emití pa e kapitan di haf na nòmber di e Hefe di Inspekshon Marítimo.  E eksigensianan pa haña e sertifikado aki ta deskribí den apèndiks 6 di e Reglamento di Seguridat di Barkunan Marítimo.  Por usa e siguiente ‘checklist’ komo rekurso:
  • Parti1:  Interpretashon Unifiká di ekipo
  • Parti2:  Interpretashon Unifiká di bodega di un bapor
• Nabegashon Nashonal- For di 1 di yanüari 2025 e kapitan mester tin un sertifikado di várbewèis, mínimo un sertifikado di Boatmaster Grado 3 manera deskribí den artíkulo 10.11 di e Reglamento di Nabegantenan.

Eksepshonnan

Hürmentu sin tripulashon: Bo ta hür bo barku so, sin tripulashon, na un hürdó ku lo usa e barku pa nabegashon di plaser? E ora ei e barku no ta den uso komo un barku maritimo ku ta nabegá profeshonalmente. Den e kaso ei por registrá e barku komo un barku di plaser. E rekisitonan aki ta pa nabegá di forma profeshonal i esaki no ta e kaso.

Tuma nota: Si personanan ku tambe ta bai ta paga pa esaki, nan ta pasahero (no huéspet) i den kaso aki ta papia di uso komersial di e barku. Den e kaso aki e barku mester ta registrá komo un barku komersial i e rekisitonan nombrá den e kaso aki ta aplikabel.

Nabegashon Internashonal

Barkunan ku ta hasi biahe pa hafnan den eksterior mester ta sertifiká pa biahenan internashonal.  Barkunan ku ta operá den zona di komèrsio Karibense mester ta sertifiká mínimal segun e kódigo SCV òf CCS.  Barkunan ku ta operá mundialmente mester kumplí ku e rekisitonan manera ta deskribí riba e wèpsait di Inspektoria di Medio-ambiente i Transporte.

Inspekshon di barkunan strañero (Kontrol di Estado di Haf, PSC)

ILT ta hasi inspekshonnan riba barkunan ku tin un bandera strañero, den  haf i na luganan di anker di Hulanda Karibense. Hulanda Karibense ta miembro di Caribbean MoU on Port State Control ku e meta pa tene barkunan ku no ta kumplí ku standart den e región afó.

Tur paisnan partisipante ta hasi inspekshonnan di PSC di mes manera, pa asina promové igualdat den e region.  Inspektornan ta kontrolá si barkunan ta kumplí ku rekisitonan den área di seguridat, medio-ambiente i kondishonnan di trabou, manera a akordá den e tratadonan di Internationale Maritieme Organisatie (IMO).