Inspekshon Marítimo Hulanda Karibense
Inspekshon Marítimo ta supervisá barkunan komersial di Hulanda i eksterior, tripulashonnan, empresanan di transporte marítimo i sosiedatnan di klase. E supervishon aki ta obligatorio segun e normanan di Organisashon Marítimo Internashonal (IMO). E Inspekshon Marítimo ta forma parti di Inspekshon di Medio Ambiente i Transporte (ILT) i ta kai bou di e ministerio di Infrastruktura i Maneho di Awa.
Inspekshon Marítimo Hulanda Karibense ta enfoká prinsipalmente riba seguridat di barku, tripulashon, protekshon di medio-ambiente, maneho i karga pa Hulanda Karibense (Boneiru, Sint Eustatius i Saba). Na Boneiru i Sint Eustatius tin inspektornan stashoná.
Kada barku ku ta den awanan di Hulanda Karibense, mester ta registrá, no ta importá si e ta un barku di plaser, peska òf nabegashon komersial.
Barkunan di peska i plaser
Barkunan di plaser i peska na Hulanda Karibense (Boneiru, Saba i Sint Eustatius) ta registrá segun e Lei di Barkunan 1930 BES. E ofisinanan di haf di e entidatnan públiko ta ehekutá e registrashon na e islanan aki.
Mas informashon tokante e ofisinanan di haf na Boneiru, Sint Eustatius i Saba:
Mas informashon
Rijksinspectie Digitale Infrastructuur
KIWA
Inspectie Leefomgeving en Transport
Kontakto
| Marniks Rink Chief Inspector CN |
|---|
| Netherlands Shipping Inspectorate Caribbean Netherlands |
| Gallowsbay, Lower Town | Sint Eustatius |
| M+599 790 7703 E nsicn@rijksdienstcn.com |