Legislashon i kódigonan Karibense
Pa barkunan ku ta operá rondó di e islanan Karibense, ta apliká vários tratado internashonal kompilá pa IMO, manera Load Line, SOLAS i MarPol. IMO ta e instansia marítimo di ONU unda miembronan ta sera akuerdonan tokante e nabegashon internashonal.
Pa e área di komèrsio Karibense tin dos kódigo internashonal kompilá pa barkunan ku pa nan dimenshonnan no ta kai bou di e konvenshonnan internashonal. Esakinan ta:
- Kódigo SCV: E kódigo aki ta aplikabekl riba barkunan di pasahero i di karga ku tin un largura entre 5 i 24 meter.
- Kódigo CCSS: E kódigo aki ta aplikabel riba barkunan di karga ku tin un largura mas grandi ku 24 meter pero mas chikí ku 500 GT.
Small Caribbean Vessel (SCV) Code
E kódigo SCV ta apliká riba barkunan entre 5 i 24 meter ku ta operá den zona di komèrsio Karibense. E kódigo aki ta kompilá den kolaborashon ku e estadonan miembro di Caribbean Memorandum of Understanding (CMOU) i ta registrá na IMO. Den e kódigo ta deskribí e eksigensianan tekniko i di tripulashon.
Code of Safety for Caribbean Cargo Ships (CCSS-code)
E kódigo CCSS ta apliká riba barkunan di karga ku ta igual òf mas grandi ku 24 meter i mas chikí ku 500 GT. E kódigo ta, meskos ku e kódigo SCV, kompilá den kolaborashon ku e estadonan miembro di Caribbean Memorandum of Understanding (CMOU) i ta registrá na IMO. Den e kódigo ta deskribí den e eksigensianan tékniko.
Eksigensianan di kódigonan SCV- i CCSS
- Tin un karta di registrashon emití pa e kapitan di haf na nòmber di e entidat públiko (si esaki ta inskribí na Hulanda Karibense).
- Tin un pèrmit pa nabegashon komersial emití pa e kapitan di haf na nòmber di e entidat públiko (si esaki ta inskribí na Hulanda Karibense).
- Un asina yamá ‘zeebrief’ emití pa Inspektoria di Medio-ambiente i Transporte.
- Un sertifikado nashonal di seguridat manera deskribí den e kódigo SCV òf CCS, emití pa òf na nòmber di Inspektoria di Medio-ambiente i Transporte.
Solamente pa barkunan bou di e kódigo CCSS:
- Un sertifikado ku ta demostrá ku nan ta kumplí ku e reglanan di un sosiedat di klasifikashon rekonosí pa Hulanda. E sosiedatnan di klasifikashon ta emití e investigashon i sertifikadonan pa e barkunan aki.
- Un ‘meetbrief’, un sertifikado internashonal di desagwe i otro sertifikadonan dependiente di e dimenshonnan di e barku, emití pa e sosiedat di klasifikashon na nòmber di Hulanda.
- Un sertifkado di tripulashon emití pa Inspektoria di Medio-ambiente i Transporte.
Por haña e legislashon marítimo hulandes riba wèpsait di Netherlands Regulatory Framework (NeRF).