Pruebanan di nabegashon pa barkunan komersial ku ta operá di forma nashonal
For di 1 di yanüari 2025 ta obligatorio pa e kapitan riba un barku komersial ku ta nabegá den Hulanda Karibense di tin mínimo un Prueba Boatmaster 3 di nabegashon bálido. Pruebanan di nabegashon Boatmaster emití pa otro estadonan miembro di CMOU ta bálido na Hulanda Karibense; otro prueba di nabegashon strañero ku ta demostrá un kapasitashon di nabegashon komparabel òf mas altu por wòrdu rekonosí pa Hulanda.
Pruebanan di nabegashon di Boatmaster
ILT ta emití e prueba di nabegashon Boatmaster. Por solisitá pa esaki dor di manda e siguiente dokumentonan pa boatmasterCaribNL@ilent.nl:
- Formulario di petishon yená
- Diploma Boatmaster grado 1, 2 òf 3 di un formashon rekonosí òf un prueba di nabegashon relevante ku no ta mas ku sinku aña kaduká.
- Skèn di karchi di identifikashon òf pasport
- Skèn di un portrèt resien (kalidat di pasport)
- Deklarashon di aptitut médiko yena pa un dòkter di kas (solamente pa grado 3) òf un sertifikado médiko di aptitut pa nabegashon riba laman
- Prueba básiko hulandes di marifonía nashonal òf mas haltu
- Deklarashon di tempu di nabegashon dor di doño di trabou (solamente pa renovashon)
Adishonal pa Boatmaster grado 1 i 2
- Deklarashon di mínimo dos luna di tempu di nabegashon relevante pa Boatmaster grado 2 i tres luna pa grado 1 yena pa e doño di trabou òf demostrá via un diario di nabegashon
- Sertifikado di “Basic Safety” di un instituto di training rekonosí pa ILT
Otro Pruebanan di nabegashon i buki di sempel
ILT a delegá e emishon di pruebanan di nabegashon i buki di sempel na Kiwa Register. Via nan wèpsait por solisitá e dokumentonan aki digitalmente.
Dokumentonan