Pèrmitnan
Pa pèrkurá ku ta protehá e interesnan indiká den e Lei di maneho marítimo BES, un obligashon di pèrmit ta aplikabel pa sierto aktividat. Den un pèrmit ta pèrmití aktividat pa kua e obligashon di pèrmit ta aplikabel. Por mara rekerimentunan na e pèrmit aki. Banda di e Lei di maneho marítimo BES tambe bo mester kumpli ku reglanan i obligashonnan di pèrmit lokal. E gobièrnu lokal por duna bo konseho pa ku esaki i trata bo petishon di pèrmit.
Rijkswaterstaat ta e instansia ku ta duna pèrmit den kuadro di e Lei di maneho marítimo BES. E petishon i dunamentu di un pèrmit ta tuma lugá segun e siguiente pasonan:
Paso 1
Manda un e-mail pa Rijkswaterstaat i nos ta tuma kontakto mas lihé posibel ku bo, i deliberá ku bo tokante di bo deseonan. Si ta rekerí un pèrmit, lo bo risibí un formulario di petishon di Rijkswaterstaat ku e spesifikashonnan na kua bo petishon mester kumpli.
Paso 2
Bo por entregá bo formulario di petishon den konsepto promé serka Rijkswaterstaat, pa den un fase tempran laga evaluá si esaki ta kumpli ku e spesifikashonnan.
Paso 3
Bo ta entregá e petishon di pèrmit ofisial, inkluso tur dokumento nesesario.
Paso 4
Rijkswaterstaat ta evaluá si e petishon ta kontené sufisiente informashon pa por tuma un desishon. Asina ku e petishon ta kumpli, Rijkswaterstaat lo publiká den korantnan lokal ku a risibí un petishon, esta den kaso ku esaki ta preskribí pa lei.
Paso 5
Den konsulta ku otro ministerionan i e gobièrnu lokal, Rijkswaterstaat ta tuma un desishon tokante e petishon. Si e desishon aki ta hiba na limitashon di e petishon, bo ta haña e posibilidat di reakshoná riba esaki. Rijkswaterstaat ta inkluí e reakshon aki den e desishon final.
Paso 6
Rijkswaterstaat ta publiká e desishon (inkluso e pèrmit konserní). Otro partidonan por oponé denter di un periodo di seis siman. Si bo a haña un pèrmit, bo mester pèrkurá pa bo konstrukshon òf aktividat kumpli ku e rekerimentunan stipulá den esaki.
Mas informashon
Bo kier sa mas tokante e proseso di hasi petishon pa pèrmit, òf bo kier kuminsá ku trabou òf aktividat den òf riba laman, e ora ei manda un e-mail pa Rijkswaterstaat. Nos ta tuma kontakto ku bo mas lihé posibel.
E-mail: vv-hh-cn@rws.nl
Òf lokalmente ku Rijksdienst Caribisch Nederland
Telefon: +599 715 8333
E-mail: info@rijksdienstcn.com