CN-express ta konektá Boneiru, Sint Eustatius i Saba

E Ministerio di Asuntunan Interno i Relashonnan den Reino(BZK), e Ministerio di Infrastruktura i Maneho di Awa (I&W) i Rijksdienst Caribisch Nederland (RCN) ta kontribuí na un konekshon aéreo temporal entre Boneiru, Sint Eustatius i Saba ku Winair ta hasi posibel.

Vogel

E konekshon aéreo aki ta inisiá na komienso di yanüari 2018 i ta karga e nòmber “CN-express”. E buelonan interinsular aki ta konektá e tres islanan di Hulanda Karibense direktamente ku otro.

Despues di orkannan Irma i Maria e hub internashonal di Sint Maarten a kai afó. Dor di esaki tabatin un nesesidat grandi pa un konekshon èkstra pa optimalisá  e tráfiko di trabou, e tráfiko di sektor turístiko i  tráfiko di tratamentu médiko den eksterior. Dor di krea e konekshon aéreo aki ta purba duna un impulso na sektor turístiko di Saba i Sint Eustatius i stimulá ekonomia . Pa RCN i e ministerionan ku ta operá riba e islanan e konekshon aki ta importante for di e punto di bista di e kontrol di kostonan.

E ophetivo ta pa bula di Boneiru pa Sint Eustatius i visevèrsa ku un frekuensia di kuater biaha pa siman. Na Sint Eustatius lo tin un konekshon direkto pa Saba. Pa skema di buelo i tarifanan por wak riba e wèpsait www.fly-winair.sx