Ta kalkulá tarifanan pa koriente i awa pa bebe ku un sistema nobo

Entrante promé di aprel Boneiru ta haña un sistema nobo pa koriente i awa pa bebe. E sistema aki ta bin for di e Lei elektrisidat i awa di bebe (Wet elektriciteit en drinkwater) ku a drenta na vigor promé di yüli 2016.

Tarieven elektriciteit en drinkwater op Bonaire worden berekend met nieuw stelsel

Outoridat Konsumidó i Merkado (Autoriteit Consument & Markt) ta pèrkurá pa kumpli ku e lei aki. Anualmente ACM ta stipulá e tarifanan máksimo ku ta kubri tur gastu ku WEB por fakturá e konsumidó i kompanianan.

Pa por stipulá e tarifanan máksimo ku ta kubri tur gastu, ACM ta kalkulá kuantu ta kosta pa ContourGlobal produsí elektrisidat. Tambe ACM ta kalkulá kuantu ta kosta pa WEB produsí i distribuí  koriente i awa di bebe. Punto di salida pa ku esei ta ku WEB mester tin sufisiente entrada pa por mantené e ret i hasi invershonnan i alabes ku WEB no tin mag di kobra konsumidónan i kompanianan mas ku e tarifanan máksimo ku ta kubri tur gastu. E tarifanan pa koriente i awa di bebe aktual di WEB no ta kumpli ku e punto di salida aki, komo ku nan no ta kubri tur gastu.

Deliberashon entre WEB i e departamentonan

E tarifanan máksimo nobo ku ACM ta stipulá, ta drenta na vigor for di promé di aprel 2018.  E tarifanan ku WEB lo bai kobra ta dependé di deliberashonnan entre WEB, e Ministerio di Infrastruktura i Maneho di Awa i e Ministerio di Asuntunan Ekonómiko i Klima.