A anunsiá último buelo CN-Express

Riba djabièrnè 29 di yüni lo ta último buelo di CN-Express. E konekshon aéreo entre Bonaire i Islanan ariba a keda operashonal pa un luna mas largu di loke a akordá inisialmente. Entrante promé di yüli Winair lo ofresé e konekshon entre Isla ariba i Bonaire riba e skema di buelo regular.

CN Express
Image: ©CN Express

E introdukshon di CN-Express ta un kolaborashon entre e ministerio di “Binnenlandse Zaken en Koninkrijksrelaties (BZK) en Infrastructuur en Waterstaat (IenW)”. Despues di orkannan Irma i Maria e dos ministerionan aki a mira e nesesidat pa konekshon adishonal pa e islanan aki. Mirando esaki e ministerionan a uni i a realisá CN-Express pa un periodo di tres luna.

Resientemente Winair a anunsiá di ke amplia nan ruta di buelo. Entrante promé di yüli nan lo bula shete bia pa siman di Sint Maarten pa Kòrsou, i konsekuentemente lo sali kuater bia pa siman pa Bonaire i tres bia pa siman pa Aruba. Tumando e ruta di buelo nobo aki na kuenta, no ta nesesario pa kontinuá e buelonan di CN-Express.