Mas ku 60 porshento ménos pasahero aéreo pa Hulanda Karibense na 2020
Na aña 2020, kasi 183 mil pasahero a biaha for di i pa aeropuertonan di Hulanda Karibense. Esaki ta 60 porshento menos ku e mas ku 457 mil pasaheronan na 2019. E kantidat total di buelo tabata ku mas di 12,6 mil, mas ku 50 porshento mas ku 50 porshento mas abou ku na 2019. Kasi 88 porshento di pasahero aéreo for di i pa Hulanda Karibense a biaha via aeropuerto di Boneiru. Esei ta resultá for di sifra nobo di CBS.
For di i pa Boneiru a biaha 58,3 porshento ménos pasahero ku na 2019. Na Sint Eustatius i Saba e kantidat di biahero a baha ku respektivamente 68,7 i 70,5 porshento.
Bahada fuerte di kantidat di buelo pa Hulanda Karibense despues di medidanan di corona
Den e promé dos lunanan di 2020, riba e aeropuertonan di Boneiru, Sint Eustatius i Saba na tur tabatin 4,3 mil moveshon di avion, un oumento di 3,9 porshento kompará ku 2019. E motibu partikular ta e oumento di e kantidat di buelo for di i pa Boneiru di 2,5 mil pa 2,7 mil. E medidanan ku a tuma na mart 2020 pa kombatí e vírùs di corona ta bisto durante e lunanan despues. E kantidat total di buelonan na 2020 tabata 49,2 porshento di e kantidat na 2019.
Di e tres aeropuertonan hulandes ultramar, aeropuerto Flamingo na Boneiru tin e kantidat di mas haltu di moveshon di avion, i di mas tantu pasahero. E kantidat di buelo na e aeropuerto aki na 2020 a baha ku 50,5 porshento: di 15,7 mil pa 7,8 mil. E kantidat di buelo na F.D. Roosevelt Airport na Sint Eustatius i Juancho E. Yrausquin na Saba na 2020 tabata respektivamente 53,5 i 47,4 porshento mas abou ku na 2019.
Mas tantu pasahero di i pa Boneiru
Dia 14 di mart di 2020 a sera espasio aéreo di Boneiru, Sint Eustatius i Saba pa pasaheronan drentando for di Europa i otro pais di riesgo haltu. Na aprel i mei, tempu tabatin solamente un kantidat limitá di buelonan di repatriashon, ménos ku mil pasahero a biaha for di i pa e tres islanan aki, kompará ku 76,3 mil den e mesun temporada na 2019, un bahada di 98,7 porshento. For di dia promé di yüli a permití un kantidat restringí di turista for di algun pais drenta Boneiru, i e kantidat di pasahero aéreo a oumentá na yüli i ougùstùs. No opstante, e kantidatnan di pasahero na e isla aki tabata respektivamente 58,0 i 51,3 porshento mas abou ku den luna di yüli i di ougùstùs di 2019.
Na tur, den aña 2020, 160,5 mil pasahero aéreo a pasa den terminalnan di Flamingo Airport na Boneiru, loke ta 87,8 porshento di tur pasahero aéreo di i pa e aeropuertonan di Hulanda Karibense. Via e aeropuertonan di Sint Eustatius i Saba a biaha respektivamente 13,2 i 9,0 mil pasahero den e aña anterior.
Fuente i referensia:
Dashboard- Verkeer en vervoer (tráfiko i transporte)
StatLine - Caribisch Nederland; Luchtvaart, maandcijfers luchthavens (cbs.nl) (Hulanda Karibense; aviashon, sifra mensual di aeropuertonan)
StatLine - Luchtvaart; maandcijfers Nederlandse luchthavens van nationaal belang (cbs.nl) (Aviashon; sifra mensual aeropuertonan hulandes di importansha nashonal)