Safe Together Strong Together – Kódigo di protekshon Hulanda Karibense
Tur hende meresé un kas seif. For di e punto di bista ei a desaroyá e kódigo di protekshon, ku ta na vigor for di promé di yanüari 2025, pa Hulanda Karibense.
E kampaña ‘Safe Together Strong together’ tin komo meta pa sostené profeshonalnan manera trahadó sosial, dosente i empleado di kuido ku implementashon di e kódigo di protekshon nobo. Ademas a pone algun punto di konseho riba kada isla, kaminda ku tur hende por yega pa yudansa, konseho òf pregunta.
Kódigo di protekshon pa profeshonal
Entrante promé di yanüari 2025 organisashonnan ta obligá pa traha ku e kódigo di protekshon. E kódigo di protekshon, ku ta konsistí di 5 paso, ta ofresé profeshonalnan klaridat tokante di loke ku ta spera di nan na momentu ku tin sospecho di violensia doméstiko òf maltrato di mucha. Tambe tin un derecho di mèldu stipulá, ku kua profeshonalnan por mèldu señal di violensia doméstiko òf maltrato di mucha bou di kondishonnan kla.
Kódigo di protekshon pa siudadano
Pa siudadano riba e islanan e kódigo di protekshon ta nifiká ku e profeshonal ta hasi su trabou ku koutela i ta deliberá promé tokante sospecho ku e kliente òf mayornan promé ku e mèldu.
Punto di konseho
Siudadano i profeshonal ku preokupashon tokante violensia doméstiko i maltrato di mucha por bai na un punto di konseho spesial. Riba kada isla tin un punto di konseho ku ta duna konseho apropiá den kada situashon.
E puntonan di konseho aki ta yuda pa kontestá pregunta, sostené i atendé ‘melding’ si esaki ta nesesario.
Bo tin preokupashon di bo mes òf un otro, òf pregunta tokante di e kódigo di protekshon? Yama:
- Boneiru: Guiami, Sentro Akseso via 08020802
- Sint Eustatius: Statia Strong Support Hotline via +5993184837
- Saba: Domestic Safety Point via +599 416 6936/ 416 3053