Habitantenan di Boneiru ku ta biba independiente na kas, pero debí na malesa òf defisiensia síkiko no por partisipá na fasilidatnan general, por akudí na Lokèt Aksesibel di Sentro Akseso pa nan fasilidat personalisá. Fasilidatnan personalisá ta por ehèmpel pasadia, ayudo na kas, suministro di kuminda òf artefaktonan di ayudo médiko.
Ret sosial promé
No ta tur hende ku ta biba na kas ku i tin un defisiensia ta bini na remarke outomátikamente. Ta wak entre otro e ret sosial promé ku un persona tin. No ta logra pa manehá e kas independientemente? E ora ei ta ferwagt ku e ret sosial ta duna un man. Na momentu ku no logra esaki sufisientemente òf si un persona no tin un ret sosial, por kuminsá pensa riba un fasilidat personalisá.
Kon pa apliká?
Entrante 2025 habitantenan por hasi un petishon na Lokèt Aksesibel di Sentro Akseso. Por hasi esaki telefónikamente, online òf personal. Empleadonan ta yuda pa yena e petishon. Sentro Akseso i ZJCN ta evaluá esaki. Denter di un periodo palabrá e petishonario ta tende si ta konsedé e ayudo.
Un fasilidat personalisá ta un servisio òf produkto ku ta yuda un persona ku un defisiensia pa e por biba independiente. Un ehèmpel di un fasilidat personalisá ta un ròlstul, pero pasadia òf kuido na kas tambe ta fasilidatnan personalisá. No tin mester di kompartí un fasilidat personalisá ku otronan.
Un persona tin derecho riba un fasilidat personalisá, si pa motibu di un kondishon médiko òf problema spesial, e no por hasi uso di fasilidatnan general, manera aktividatnan den un sentro di bario, i e mes tampoko ta kapas pa organisá e ayudo, sea ku òf sin ayudo di famia òf amigunan.
Tin diferente kondishon ku un persona mester kumpli kuné pa bin na remarke. Por ehèmpel un persona mester tin mínimo 18 aña di edat i den poseshon di un pèrmit di estadia bálido. Promé ta buska tambe posibel solushonnan den e ret sosial di e petishonario.
Nò, fasilidatnan personalisá ta pa tur hende ku tin mester di esei i ku ta kumpli ku e kondishonnan, sin importá edat. Bo mester tin mínimo 18 aña si pa bini na remarke. I bo mester ta den poseshon di un pèrmit di estadia bálido pa Boneiru.
Abo kier entregá un petishon pa un fasilidat personalisá? Bo ta hasi esei na e lokèt di MO di Akseso. E trahadó sosial di Akseso ta traha un sita ku bo pa un kombersashon di “intake”. Nan ta guia bo momentu di hasi petishon.
Na Boneiru nos konosé un kantidat di fasilidat personalisá. Esakinan ta, por ehèmpel, pasadia, servisio di kuminda, ayudo den kas i kuido remplasante pa por brinda sosiegu. Bou di fasilidatnan personalisá ta kai tambe un kantidat di material di yudansa i adaptashonnan na kas. Pa algun fasilidat tin lista di espera.
E trahadó sosial di Akseso ta hasi e "intake" p'abo. Nan ta manda nan konseho i formulario di "intake" pa ZJCN. ZJCN ta disidí si bo ta bin na remarke pa e fasilidat personalisá ku bo a pidi. Si ta asina, bo ta risibí un desishon por eskrito na kas. Esaki ta un karta den kua ta para ki fasilidat personalisá bo ta haña i pa kuantu tempu. E dunadó di e fasilidat personalisá ta tuma kontakto ku bo denter di 5 dia di trabou pa traha un sita. Si tin lista di espera, e dunadó ta informá bo tokante esei.
Sí, si bo no ta di akuerdo ku e desishon, bo por entregá un keho. Den e karta ku bo ta haña ta para eksaktamente kon i na unda bo por entregá e keho.
