Kuido
Pa tur habitante di e islanan Boneiru, Sint Eustatius i Saba (Karibe Hulandes) ta vigente for di 1 di yanüari 2011 e lei di seguro di kuido obligatorio. E seguro di kuido uniforme aki ta nifiká mas igualdat pa loke ta derechinan i ta evitá ku un persona ta keda sin un seguro di kuido. E seguro médiko aki ta proveé kuido médiko (cure) i kuido médiko pa largu tempu (care ). Pa mas informashon, akudí na nos paginá ‘seguro di kuido’.
‘Konfiabel, hustu i aksesibel: esei nos ta sigurábo!’
Ofisina di Seguro di Kuido BES (ZJCN), for di 1 di yanüari 2011 ta e órgano ehekutivo di e seguro di kuido médiko aki. ZJCN ta traha riba enkargo i bou di responsabilidat di Ministerio di Salubridat Públiko, Bienestar i Deporte (VWS). Kontinuamente ZJCN ta hasi esfuerso pa mehorá e nivel di kuido riba e islanan di Karibe Hulandes.