Traslado médiko | Rijksdienst Caribisch Nederland

Ora un tratamentu médiko nesesario no ta disponibel na bo isla, bo tin derecho riba un traslado médiko pa un instituto di kuido ku sí ta ofresé e tratamentu aki. Aki semper ta konta: mas serka posibel, mas leu ora ta nesesario. ZJCN na e momentu aki tin akuerdo ku dunadónan di kuido na Kòrsou, Aruba, Sint Maarten, Colombia, i Hulanda.

Promé ku bo bai riba un traslado médiko, bo tin mester di pèrmit di ZJCN. Bo dòkter ta pidi pèrmit na ZJCN i ta pone bo na altura di e resultado.

0:00

Protokòl asistensia durante traslado médiko

Apertura

Kompañante durante un traslado médiko?

Sa kiko ta bo responsabilidat!

Ki ora un akompañante por biaha komo kompaño?

Si e asegurado no por biaha su so. Debí na un malesa grave, por ehèmpel. Òf debí na un inkapasidat, físiko òf mental. Akompañante no ta un derechi. E dòkter ta konsehá i ZJCN ta chèk si esaki ta posibel di akuerdo ku reglanan.

E asegurado tin ménos di 18 aña? Òf traslado ta dor di un parto? Den e kasonan aki 1 akompañante semper por bai ku bo.

Tambe por asigná un bruder lokal. Por ehèmpel den e kaso ku un persona no por haña un akompañante. Òf si mester di akompañante solamente pa un periodo kòrtiku.

Kon e akompaño di menornan di edat ta hinká?

Semper 1 mayor òf 1 persona di kuido por kompañá e mucha ku ta den un traslado médiko. Den kasonan eksepshonal, 2 mayor òf persona di kuido por kompañá e mucha.

Ken por ta un akompañante?

Un akompañante mester tin mínimo 18 aña. Nan mester por lesa i skirbi. Nan mester ta físikamente i mentalmente sano. E ora ei: e akompañante mester por realisá e tareanan ku ta pidi di dje na un manera korekto.

Un persona ku ta na estado pa mas di 28 siman no por ta un akompañante. Si ta abo mes ta den e traslado médiko, bo no por ta un akompañante pa un otro persona.

Kua ta e tarea- i responsabilidatnan ku un akompañante tin?

E akompañante mester por yuda e asegurado den tur tipo di manera posibel. Algun ehèmpel: yuda ora e persona ta baña, bisti paña i transporte. Bai hasi kompra, prepará kuminda i laba paña. Bai ku e persona hospital.

E akompañante tambe ta yuda ku dokumentonan, formulario i posibel tradukshonnan médiko. I e akompañante ta e persona di kontakto. Pa ZJCN, pa intermediarionan i pa e hospital.

Kiko ta pasa den kaso di komportashon iresponsabel òf kastigabel?

Lo no tolerá esaki. Den kaso di un notifikashon, ZJCN inisiá un investigashon. Si sali afó ku e akompañante efektivamente a komportá di manera iresponsabel òf kastigabel, na e momento ei nos lo para tur kompensashon.

Un akompañante mester bin bèk mesora. ZJCN lo no aseptá e persona mas komo un akompañante. Nos lo rekuperá tur daño i gastunan innesesario di e kousante.

Kon mi ta regla e kompensashon?

Tantu e asegurado komo su akompañante tin derechi na un kompensashon diario. ZJCN ta paga esaki na e asegurado. E asegurado lo hasi e pago na e akompañante. E pago ta un kompensashon. Esaki ta nifiká: ku no ta semper esaki ta kubri tur gastu.

E asegurado i e akompañante ta keda huntu den mes 1 kamber di hotèl. Si bo ke bo mes kamber, bo mes tin ku paga esaki.

Ta surgi konfliktonan? ZJCN no ta responsabel pa esaki. Bo mester resolvé esaki huntu.

Kon e biahe ta reglá?

E asegurado i su akompañante ta biaha huntu si esaki ta nesesario for di un aspekto médiko. Ademas, biaha huntu no ta obligatorio. E akompañante ya por ta na e lugá di traslado, òf por biaha bai ei nan despues.

Kuantu ekipahe bo por bai kuné?

E kantidat di ekipahe ta limitá. E peso máksimo ta di 15 kilo pa kada persona pa Kòrsou, Boneiru, Sint Maarten i Aruba. Pafó di Hulanda Karibense e máksimo ta 20 kilo pa kada persona Por rechasá ekseso di ekipahe òf esaki por nifiká gastunan adishonal pa e asegurado òf akompañante.

Kuantu tempu mi akompañante lo keda?

Un traslado médiko ta dura mas ku 4 siman ? Despues di 4 siman, e akompañante por kambia. E akompañante ta keda mas kòrtiku? E ora ei ZJCN lo no kubri e gastunan di remplaso.

E akompañante lo ta disponibel durante 4 siman si esaki ta nesesario? Hasi bon palabrashon tokante esaki!

Kiko ta pasa den kaso di malesa òf si e bai bèk mas trempan?

Si e akompañante mes bira malu promé ku salida òf durante un traslado médiko? E ora ei mester remplasá e persona aki. TUMA NOTA: mester di un deklarashon médiko pa esaki.

Tambe ta posibel ku e akompañante mester bai bèk diripiente. Por ehèmpel, debí na sirkunstansianan personal grave. Esaki ta posibel den konsulta ku ZJCN. E ora ei ta kompensá e gastunan .

Kiko ta pasa den kaso ku kuido riba término largu?

Durante e traslado, e derechi di akompañante por kaduká.

Un asegurado por ser atmití den un institushon pa kuido riba término largu.

Si atmishon ta mas largu ku 3 siman? Den e kaso aki, e derecho di akompañante ta kaduká. E akompañante por bai kas bèk. Esun ku ke keda na e lugá di traslado aki, mester paga pa esaki nan mes.

Despues ku e asegurado sali for di e institushon, e akompañante por sostené atrobe. E akompañante lo buska e asegurado na e lugá di traslado i biaha kuné pa e lugá di residensia.

TUMA NOTA: esaki ta posibel solamente riba indikashon médiko. E ora ei, ZJCN lo paga pa e gastunan di biahe.

Pa mas informashon: chèk e foyeto tokante Protokòl asistensia durante traslado médiko

geen voiceover; fadeout muziek

Biahe i estadia

ZJCN ta sòru pa bo biahe i bo estadia ora trasladá bo pa tratamentu médiko. Lo pone bo na altura mas pronto posibel ora e planifikashon rondó di bo tratamentu ta kla.

Kompensashonnan

ZJCN ta kompensá gastu di eksámennan médiko i tratamentunan nesesario. Ademas, den kaso di un traslado médiko bo tin derecho riba e siguiente kompensashonnan:

kompensashon di estadia pa bo mes i pa bo akompañante eventual;
e gastunan di bo buelo i, si esaki ta aplikabel, e buelo di bo akompañante;
impuesto di aeropuerto;
gastu di transporte pa e aeropuerto di salida, di e aeropuerto di yegada pa bo destinashon i vise versa;
gastu di hotèl; òf
gastu di estadia pa estadia serka famia òf amigu.

Kompaño

Riba konseho di bo dòkter ta posibel pa bo haña un akompañante durante henter e traslado médiko òf un parti nesesario di esei. Ta posibel pa haña pèrmit pa kompaño ora

e asegurado ta bou di 18 aña;
e asegurado tin un limitashon mental;
e asegurado su mobilidat ta limitá i e ta hasi uso di un medio ouksiliar médiko pa kana;
e asegurado tin un limitashon visual òf ouditivo;
e asegurado su malesa ta asina severo ku no ta posibel pa e biaha sin un akompañante;
e motibu pa trasladá e asegurado ta un parto.

Un asegurado menor di edat eventualmente por haña pèrmit pa dos akompañante. Esaki ta permití ora

e asegurado tin un malesa terminal;
e asegurado ta risibí tratamentu ku kimoterapia òf tratamentu radiológiko?
e asegurado ta sufri di leukemia;
sigun un deklarashon di e dòkter ku ta tratando e asegurado, e ta den un situashon ku ta di menasa pa su bida.

Download

Teksto skirbí

Biahe i estadia

Kompensashonnan

Kompaño