Pregunta i Kontestanan

Bo por bishitá e bali di ZJCN pa e siguiente tópikonan.

• Inskripshon
• Entregá deklarashon
• Kambia dòkter di kas
• Kambia informashon personal
• Petishon pa prueba di registrashon
• Prolongá dokumentonan/pólisa
• Entregá keho
• Entregá un opheshon

No, seguro adishonal serka ZJCN no ta posibel.

E asegurado no mester paga nada di antemano na e provedor di kuido ku tin kontrakt ku ZJCN, entre otro bo dòkter di kas, hòspital lokal, òf botika. ZJCN ta kompensá servisionan di provedornan di kuido direktamente. E asegurado mester tin un sédula semper huntu kuné. Sigurá bo mes ku bo sédula ta bálido, un sédula kaduká no ta duna bo derechi riba kuido grátis.

Personanan por inskribí nan mes numa na ofisina di kuido ZJCN ora nan ta biba legal riba un di e islanan. Esaki ta nifiká ku e personanan akí ta disponé di un sédula/tarheta di identifikashon, deklarashon di atmishon legal òf un pèrmit di estadia pa tempu (ín)definí.

Personanan ku tin un kontrato laboral di un dunadó di trabou lokal, di kua e suèldu ta kai bou di e Lei Loonbelasting BES, por inskribí nan mes pa durashon di e kontrato laboral. Pa inskripshon na ZJCN bo mester entregá un deklarashon di dunadó di trabou. E kontrato laboral mester ta bálido pa mas ku tres luna.

Ta importante pa konsekuentemente bo inskribí bo mes promé serka un dókter di kas. Despues bo por inskribí bo mes ku e prueba-/dokumentonan ariba menshoná na ZJCN.

No lubidá pa para eventual otro seguro di kuido despues.

Mientrastantu ku no ser stipulá diferente, ta eksistí e derechi riba brel preskribí i lèns di kontakto, diferente di loke ta menshoná den artíkulo 1.7.10 di e ‘Regeling aanspraken zorgverzekering BES’, te na un montante máksimo  di 170 dòler pa kada tres aña pa asegurado di 18 aña bai ariba, i te 170 dòler pa aña pa asegurado bou di 18 aña.

Klèk riba: Kambionan di derechinan di Seguro di Kuido BES entrante 1 di yanüari 2020

Ta posibel pa kambia di dòkter di kas dos siman promé ku 1 aprel i dos siman promé ku 1 di òktober. Bo petishon pa kambia mester ta promé ku e fechanan menshoná den sistema di ZJCN. Pa hasi esaki bo mester pasa na ofisina di ZJCN òf download e formulario aki, yen'é i entreg'é na ZJCN.

Esun ku ta kompañábo mes mester regla su dianan liber serka su doño di trabou. Kompañá un asegurado ta algu boluntario. Ta dependé di e doño di trabou si bo ta haña liber pa bai afó komo kompaño. 

No ta tur biaha esaki ta posibel. Den kaso ku bo ke kambia di kompaño, tuma kontakto ku ofisina di ZJCN.

Bo dòkter ta hasi un petishon serka ZJCN. E petishon aki i e dokumentonan korespondiente ta yega serka departamento di Konseho Médiko di ZJCN pa tratamentu. Den kaso ku aprobá e petishon, ZJCN lo tuma kontakto ku bo pa traha un sita. Durante di e sita aki lo bo haña tur informashon tokante bo baimentu afo pa tratamentu.

Esaki ta dependé di e sita i palabrashonnan ku a hasi ku e dòkter ku a dunabo tratamentu. Tin biaha ta nesesario pa bo bai serka e dòkter ku a mandabo afo pa tratamentu. Bo no in nodi di bini ofisina di ZJCN despues ku bo regresá di eksterior. 

Ora ta trata di traslado médiko bo tin derechi riba pago di kompensashon diario*. E kompensashon aki ta pa yuda kompensá  gastunan di kuminda, bebida i no nesesariamente mester kubri tur gastu.
Si bo mester keda algun dia interná den un hospital, por ta posibel ku bo lo no risibí e kompensashon diario komo ku e hospital ta duná bo di kome i di bebe. Dor di esaki por surgi un diferensia entre e kompensashon diario pa e asegurado i esun ku ta kompañ’é.

* E suma di kompensashon diario ta diferensiá dependiendo di e destinashon. Bo ta haña e informashon aki di ZJCN ora di traslado médiko

Si bo tabata mas largu ku bo a spera den eksterior, lo bo risibí pa un periodo mas largu e kompensashon diario. Esaki lo keda depositá mas pronto posibel riba bo kuenta di banko. Si bo mester a keda mas kòrtiku ku bo a spera, bo por skohe pa depositá e plaka bek òf deskontá esaki e próksimo biaha ku bo ta bai afó pa tratamentu médiko. Den tur dos kaso, tuma kontakto ku ofisina di ZJCN.

E seguro di kuido ta kubri solamente kuido den kaso di malesanan serio òf atmishon den un hòspital. Nos ta referí aki na kuido di emergensia ku no por warda te ora bo regresá bo isla, Den kasonan di emergensia bo mester tuma kontakto mas pronto posibel ku ZJCN. Ningun otro forma di kuido den eksterior ta wòrdu kubri. 

Mas informashon tokante kuido den eksterior

Den eksterior bo ta sigurá solamente pa kuido di emergensia di kua e preisnan ta wòrdu maksimá na e nivel di preis di Karibe Hulandes. Ta p’esei ZJCN ta konsehá tur hende ku ta biaha pa eksterior pa sera un seguro adishonal promé ku nan biaha pa eksterior. Pidi un prueba di seguro promé ku bo sali di biahe. Bo por rekohé esaki na ofisina di ZJCN.

Mas informashon tokante kuido den eksterior

Bo ta studia den eksterior? Bo tin derechi riba kompensashon di bo gastunan di kuido. E kompensashon ta maksimá na e nivel di preisnan di kuido den region i di Hulanda. Por sosodé ku e nivel di preis di kuido ta mas haltu den e pais unda bo ta studiando. Ta bo propio responsabilidat pa sera un seguro adishonal. ZJCN no ta hunga ningun ròl den esaki. 

E dunadó di kuido por manda su faktura direktamente pa ZJCN. E mester manda e faktura huntu ku e prueba di seguro pa studiante na declaraties@zorgverzekeringskantoor.nl. Den algun kaso bo mes mester paga e gastunan di kuido. E gastunan aki bo por deklará serka ZJCN. Klek aki pa mas informashon tokante deklarashon di gastu. 

E prinsipio básiko ta enserá ku por disfrutá di kuido serka dunadónan di kuido ku a sera un akuerdo ku ZJCN (artíkulo 10 párafo 2 di e Dekreto di Seguro Médiko di BES). Klik aki pa optené un lista di dunadónan di kuido kontratá.

Den e Dekreto tambe ta stipulá ku ta posibel ku personanan sigurá por skohe un dunadó di kuido di nan eskoho, tantu na nos islanan i pafó di esakinan. Esaki ta posibel basa riba artíkulo 10 párafo 4 di e Dekreto.

Outorisashon adelantá

Den kaso di outorisashon adelantá di ZJCN, e persona sigurá por akudí na un dunadó di kuido di propio eskoho i por hasi un claim riba henter òf parti di e kompensashon pa gastunan médiko hasi pa e kuido aki.

Bo por hasi petishon pa outorisashon pa un dunadó di kuido di bo propio eskoho. Den e kaso aki, bo tin e derecho aki basa riba artíkulo 10, párafo 4 di e Dekreto di Seguro Médiko di BES. Mester tin un motibo hustifiká ku bo ta deseá pa akudí na un dunadó di kuido di bo propio eskoho i bo dòkter lokal mester indiká e hustifikashon aki den un karta di referensia.

Inkluso si bo opta pa un dunadó di kuido kontratá ku no ta un rekomendá dor di ZJCN, bo mester hasi un petishon pa outorisashon adelantá via artíkulo 10, párafo 4 di e reglamento. Pa hasi uso di e reglamento aki, bo mester di outorisashon adelantá di ZJCN. E fecha di outorisashon mester ta promé ku e fecha di tratamentu. Te ora bo tin outorisashon di ZJCN pa haña tratamentu a base di artíkulo 10, párafo 4, bo por traha un sita ku e dunadó di kuido ku bo a skohe i kuminsá planifiká bo biahe.

E kompensashon di bo tratamentu ta limitá na e nivel di preis di e tratamentu den region i tambe na Hulanda. Den e kaso aki, bo tratamentu no ta kai bou di un traslado médiko. Bo tin ku kubri tur e gastunan di biahe i alohamentu.

E dòkter di kas òf spesialista mester hasi un e petishon pa artíkulo 10, párafo 4. Pa esaki, mester entregá e siguiente dokumentonan:

• Referensia di deklarashon médiko (dòkter di kas òf spesialista)
• oferta di e dunadó di kuido ku un deskripshon eksakto di e tratamentu i e gastunan total di esaki
• deklarashon di aprobashon firmá di e persona ku ta sigurá

Ta importante pa bo sa kiko ta rekerí di bo komo persona sigurá i kiko bo por spera di ZJCN. Por lo tantu, lesa e kondishonnan pa artíkulo 10 párafo 4 i sigurá bo mes ku bo ta komprendé tur kos promé bo firma e deklarashon di aprobashon.

Lo no prosesá petishonnan inkompleto.

Basa riba e gastunan di kuido menshona den e oferta, lo kompensá e gastunan di kuido médiko, kompleto òf parsial. Esaki por nifiká ku tin chèns ku lo no kompensá tur bo gastunan di kuido médiko. Tene kuenta ku esaki. Lo no paga montantenan ku ta desviá di esnan entrega i ofertanan aprobá adelantá. Esaki ta konta tambe pa e gastunan di otro kuido ku no ta indiká den e karta di referensha i ku ta aprobá pa ZJCN.

Abo tin ku kubri e gastunan di biahe i alohamentu i bo no por deklará esakinan despues. Tambe, lo bo no haña kompensashon diario òf kompensashon pa transporte.

No por kombertí un tratamentu, konforme artíkulo 10, párafo 4, den un traslado médiko durante e proseso di tratamentu. Bo tin ku kubri e gastunan di un estadia mas largu, konvershon di un pasashi di avion i otro gastunan imprevisto.

Lo no kompensá petishonnan òf ofertanan entregá despues.

Ora bo deklará gastunan médiko komo resultado di e outorisashon di artíkulo 10, párafo 4, promé ku tur kos bo mester paga e fakturanan di e dòkter òf instituto bo mes, manera esaki ta stipulá den e kondishonnan pa optené outorisashon a base di artíkulo 10, párafo 4. Den e kasonan aki, bo mester entrega e fakturanan i e resibunan di pago huntu ku e deklarashon.

Por hasi un deklarashon den e próksimo tres pasonan:

Paso 1: ‘Download’ e formulario di deklarashon i yena e formulario
Paso 2: Scan tur e fakturanan ku ta pertenesé na e formulario di deklarashon
Paso 3: Manda e formulario di deklarashon ku e anekso na: info@zorgverzekeringskantoor.nl

Sòru pa e deklarashon ta yena kompleto i ta firmá, pa asina evitá ku nos no ta prosesá bo deklarashon.

Entregá bo deklarashon mas pronto posibel na ZJCN.

Lo no prosesá deklarashonnan ku tin mas di 12 luna.

Ora bo tin un keho tokante ZJCN, bo por yena e formulario di keho òf manda un karta. E funshonario di keho ta duna un reakshon ekstenso por eskrito riba bo keho. E ta splika kiko e reglanan ta. Tin un término legal pa tratatamentu di un keho. Esei ta 6 siman.

E informashon no ta kla? E ora ei e funshonario di keho ta drenta den kòmbersashon ku bo. ZJCN ta wak kada bia kon por sigui drecha e servisio. Asina por ehèmpel ZJCN semper bai ta traha riba klaridat di e wèpsait. Pa asina kada asegurado por haña bon informashon.

E funshonario di keho di ZJCN ta tuma kada keho na serio i ta splika mas mihó posibel kiko e leinan i regulashon ta. E ta hasi su máksimo esfuerso pa resolvé un keho.

Tin hopi kos pa kòrda ora ta trata di un traslado médiko. ZJCN ta regla e akomodashon na e manera mas mihó posibel. Tòg e funshonario di keho di ZJCN tin bia ta haña keho tokante e akomodashon. Por ehèmpel pasobra no tin un left, siendo ku e asegurado ta den un stul di rueda. Òf pasobra no tin un kushina, siendo ku e asegurado mester di esei pa motibunan médiko. Tambe de bes en kuando ta drenta keho tokante e kamber. Por ehèmpel pasobra e kamber no ta bon limpi. E funshonario di keho ta diskutí ku e asegurado kiko e problema ta. Despues ZJCN ta drenta den kontakto ku e akomodashon pa buska un bon solushon, pa asina e estadia di e asegurado ta mas agradabel posibel.

Tin bia un asegurado ta keha pasobra e mester drumi den 1 kama ku su kompañero durante un traslado médiko. ZJCN ta regla akomodashon pa e asegurado i e persona ku ta kompañé sigun proseduranan fiho. Por sosodé ku abo i bo kompañero ta haña un kamber di dos persona standart. Bo tin un traslado médiko i bo ke bai ku un kompañero? Pues e ora ei ta importante pa pensa bon ken ta bai huntu ku bo.

E funshonario di keho ta purba splika esaki mas mihó posibel ora drenta keho tokante esaki. E ta trata kada keho ku hopi koutela.

Tin bia e funshonario di keho di ZJCN ta haña keho tokante e hòspital. Por ehèmpel tokante listanan di espera largu. Òf pasobra e asegurado kada pasa tres luna ta bolbe haña un otro spesialista médiko. Lástimamente no ta tur dòkter por ta presente henter aña. Bo tin keho tokante e hòspital? E ora ei e funshonario di keho di ZJCN ta referí bo pa e departamento di keho di e hòspital. E departamento aki ta sigui atendé ku e keho.

Tin bia e funshonario di keho di ZJCN ta haña keho tokante e transporte durante un traslado médiko. Por ehèmpel tokante e buelo. Tin bia, aseguradonan ta bula ku un avion chikitu. Nan ta haña inkómodo pa biaha asina. Òf nan tabata ferwagt un avion mas grandi. Pero prinsipalmente for di Islanan Ariba generalmente no ta posibel pa hasi un traslado médiko ku un avion grandi. Tin palabrashonnan tokante  e dianan ku ta bula i e tipo di avion.

Durante e buelo tin bia bo mester hasi un paro riba otro isla pa buska òf pa baha otro aseguradonan. Tin bia, aseguradonan ta haña esaki laf. ZJCN tin proseduranan fiho pa e buelonan pa por regla e kuido mas efisiente posibel. P’esei bo no por skohe e dia,e buelo òf e ruta bo mes.

Tambe sa drenta keho tokante e transporte riba e destinashon. ZJCN solamente ta regla transporte entre e aeropuerto, e hotèl, i e hòspital. Si e asegurado ke transporte –  por ehèmpel pa un pakus –  e mes mester regla i paga esaki.

E funshonario di keho ta purba splika mas mihó posibel kiko e reglanan legal ta. ZJCN mester ten’e na e reglanan aki.

Tin bia aseguradonan mes ke skohe unda nan ta haña e trato médiko. Por ehèmpel na Hulanda, òf  na Colombia. De bes en kuando e funshonario di keho di ZJCN ta risibí keho tokante esaki. Si por duna e kuido por ehèmpel na Boneiru, Aruba òf Kòrsou, bo no por bai Hulanda. Esaki ta e reglanan legal ku ZJCN mester ten’e na dje. Mas serka di kas hopi bia ta mas agradabel tambe pa e asegurado. E no tin nodi di biaha asina largu.

Tambe tin bia hende ke pasa mas tempu durante nan traslado médiko ku loke ta un nesesidat médiko. Por ehèmpel, pa nan por tin un fakansi tambe. Lástimamente, esaki no ta posibel. Bo por haña un kompensashon solamente pa e dianan riba kua bo mester di tratamentu médiko.

E funshonario di keho ta hasi tur loke ta posibel, pero e mester ten’e na e legislashon RAZ BES tur ora. E Regeling Aanspraken Zorgverzekering BES (Areglo Derecho di Demanda Seguro di Kuido BES).

Tin bia e funshonario di keho di ZJCN ta haña keho tokante e kompensashon di estadia. Por ehèmpel, ora dura un tiki mas largu promé ku transferí e kompensashon di estadia. Den kaso di un traslado médiko inesperá, tin bia e asegurado mester sali su siguiente dia kaba. E ora ei ZJCN ta transferí e kompensashon di estadia mas pronto posibel riba kuenta di banko di e asegurado. Pero tin bia algun dia ta pasa promé ku e kompensashon di estadia ta riba e kuenta. Esaki ta dependé, por ehèmpel, di e kuenta di banko.

Tin bia tin keho ta drenta tokante esaki. E ora ei e funshonario di keho ta purba splika pakiko tin bia por dura un ratu promé ku pasa e kompensashon di estadia riba e kuenta. Pues, sòru pa semper ZJCN tin bo informashon (bankario) korekto!