Na aña 2024 Kuido i Hubentut Hulanda Karibense (ZJCN) a introdusí un tarheta di seguro di kuido médiko físiko na Boneiru, Sint Eustatius i Saba. E tarheta di seguro di kuido médiko ta e remplaso di e prueba di seguro di papel. Ántes bo mester a tuma un prueba di seguro na ofisina di ZJCN pa un biahe pa eksterior. Ku introdukshon di e tarheta di seguro di kuido médiko esaki no ta nesesario mas.
E tarheta di seguro di kuido médiko ta un prueba ku bo ta inskribí na ZJCN (un prueba di seguro), pero no un seguro di biahe òf un karta di garantia.
Kiko tin pará riba bo tarheta di seguro di kuido médiko?
Bo nòmber dilanti, bo fam, bo number di sédula, fecha di nasementu, i lugá di biba (Boneiru, Sint Eustatius òf Saba).
E datonan di kontakto di ZJCN pa komunikashon rápido den kaso di emergensia médiko den eksterior.
Ki ora bo ta hasi uso di e tarheta di seguro di kuido médiko?
Den kaso di emergensia médiko inesperá den eksterior, manera malesa òf atmishon den hospital. Den kasonan asina tuma kontakto ku ZJCN mas pronto posibel.
Uso lokal na dòkter di kas, na hospital, botika i laboratorio na Boneiru, Sint Eustatius i Saba.
Buska bo tarheta di seguro di kuido médiko na ofisina di ZJCN durante orarionan di konsulta sin sita
Pa fasilitá buskamentu di e tarheta di seguro di kuido médiko, bo por pasa awor durante nos orarionan fiho sin sita na ofisina di ZJCN, Kaya Grandi 91:
djaluna, djárason i djabièrnè: di 08 ’or di mainta te 12 ’or di mèrdia
djamars i djaweps: di 1 ’or di mèrdia te 4 ’or di atardi
Bo ta preferá tòg di traha un sita?
Ta posibel tambe pa traha un sita adelantá. Manda un meil na zorgpas@zorgverzekeringskantoor.nl i menshoná ei den bo nòmber kompletu, number di sédula i number di telefòn. Nos ta tuma kontakto mas pronto posibel ku bo pa plania un sita.
E tarheta di seguro di kuido médiko ta remplasá e komprobante di seguro di papel. Anteriormente, bo mester a pidi prueba di seguro na ofisina di ZJCN promé ku biaha pa eksterior. Ku introdukshon di e tarheta di seguro di kuido médiko, esaki no ta nesesario mas. E tarheta di seguro di kuido médiko ta kontene e informashonnan di ZJCN di manera ku semper bo por drenta fásil den kontakto ku ZJCN. Tambe e tarheta di seguro di kuido médiko por ser usa na dòkternan di kas, hospital, botikanan i laboratorionan lokal.
E tarheta di seguro di kuido médiko ta un prueba ku bo ta inskribí na ZJCN (un prueba di seguro), pero no un seguro di biahe òf un karta di garantia. Si bo eksperensiá un emergensia médiko inesperá durante bo estadia den eksterior, manera un malesa serio òf hospitalisashon, bo mester tuma kontakto ku ZJCN mas pronto posibel. Usa e datonan di kontakto riba e tarheta di seguro di kuido mëdiko pa esaki.
*ZJCN ta konsehá tur habitante di Hulanda Karibense pa sera un seguro di biahe promé ku biaha pa eksterior.
Ku e tarheta di seguro di kuido médiko semper lo bo tin e informashon di kontakto di ZJCN, na momentu ku bo ta den eksterior i bo mester di kuido médiko urgente ku no por posponé.
Nòmber, fam, number di sédula, fecha di nasementu, isla.
Kada habitante registrá di Hulanda Karibense ku tin un periodo di mínimo 2 aña di seguro ta risibí un tarheta personal di seguro di kuido médiko. Mayornan di muchanan bou di 18 aña por pasa buska e tarheta di kuido médiko di nan yu.
Habitantenan ku tin un desabilidat i no por tuma nan tarheta di seguro di kuido médiko nan mes por outorisá un miembro di famia pa hasi esaki pa nan via un formulario di outorisashon. E formulario di outorisashon ta optenibel tantu “online”komo na ofisina di ZJCN. Ora di entregá un formulario di outorisashon, mester trese tantu e sédula original di e kliente komo esun di e miembro di famia.
E periodo di balides di e tarheta di kuido médiko ta varia pa periodo di seguro i tin un mínimo di 2 aña i un máksimo di 5 aña.
Si, kòrda trese un sédula bálido i e formulario di kliente yená. Tambe nos ta pidi pa trese bo number di kuenta bankario pa asina nos por registr'é den nos sistema. Esaki no ta un rekesito obligatorio pa optené e tarheta di seguro di kuido médiko pero ta hopi importante pa eventual kompensashon di kualke demanda den futuro. Tambe nos mester di bo number di telefòn i adrès di email aktual pa tene bo informashonnan aktualisá den nos sistema.
No, e promé tarheta di seguro di kuido médiko no ta kosta nada. Lo kobra gastunan pa remplaso.
No, no ta konsiderá e tarheta di seguro di kuido médiko komo un dokumento di identidat. Pa metanan di identifikashon bo por usa bo sédula, pasport òf reibeweis.
Si bo pèrdè bo tarheta di seguro di kuido médiko, ta pidi bo pa pidi un tarheta di remplaso mesora na ofisina di ZJCN.
No, bo no ta risibí un tarheta di seguro di kuido médiko. Si bo mester bishitá ofisina di ZJCN pa un prueba di seguro riba papel si bo ta biahando pa eksterior.
