Skohe bo dunadó di kuido bo mes: Kiko bo mester sa?

Kon e ta funshoná?

Ora bo ke bai serka un otro dunadó di kuido for di esun ku bo dòkter di kas òf bo spesialista a referí bo na dje, bo mester entregá un petishon. Esaki mester tuma lugá promé ku e tratamentu. Petishonnan ku drenta despues lo no tuma den konsiderashon.

Aprobashon òf desaprobashon

ZJCN por aprobá òf desaprobá e petishon. Ora tin sufisiente otro dunadó di kuido disponibel ku un kontrakt i ku bon kalidat, ZJCN por nenga bo petishon. Pues sòru pa bo tin pèrmit promé ku e tratamentu kuminsá.

Pago i kompensashon

Bo mes ta paga e gastunan adelantá. Despues bo ta manda e faktura pa ZJCN. ZJCN ta kontrolá e faktura i ta kompensá un parti òf e montante kompleto. ZJCN no ta paga e dunadó di kuido direktamente.

Kiko ta nesesario pa un petishon?

• Un karta di referensia di bo dòkter di kas òf bo spesialista.

• Un oferta di e dunadó di kuido, ku un deskripshon di e tratamentu i e gastunan.
• Un deklarashon di konsentimentu firmá dor di bo.

Paga tinu: Un petishon inkompleto lo no tuma den konsiderashon.

Reglanan hurídiko

E reglanan ta stipulá den e Besluit zorgverzekering BES (Desishon Seguro di Kuido BES). En prinsipio bo mester bai serka un dunadó di kuido ku tin un kontrakt ku ZJCN. Solamente ku pèrmit adelantá bo por bai serka un dunadó di kuido sin kontrakt.

E regulashon ekstenso tokante eskoho propio di un ofresedó di kuido ta stipulá den het Besluit Zorgverzekering BES, artikel 10, lid 4.