Translado médiko den kaso di embaraso

Pa parto

Si riba e isla unda bo ta biba no tin posibilidatnan pa diagnóstiko prenatal, ta manda bo afó. Por lo general ta bai e ora ei pa un ekografia médiko indispensabel. Bo no tin derecho sin mas riba kompaño. Den kaso di un GUO (Investigashon Ultrasóniko Avansá) ZJCN ta kompensá e kompaño e ora ei si.

Parto

Den kaso di un traslado médiko pa un parto, di akuerdo ku e Regeling Aanspraken Zorgverzekering BES no tin derecho riba kompaño. Pero pa motibu di e impakto sosial di un parto ZJCN ta kompensá e buelo di un kompañante. E kompañante ta keda ku bo den e mesun kamber. Si mester hospitalisá bo, e kompañante por sigui hasi uso di e kamber. E kompañante no tin derecho riba kompensashon di estadia.

Traslado médiko urgente

Den kaso di un traslado médiko urgente ta transportá bo ku ‘air ambulance’ òf ku e ‘helikòpter medevac’. Banda di guia médiko ku tin semper na bordo, bo tin derecho riba un kompañante. E persona akí tin derecho riba e buelonan, akomodashon i kompensashon di estadia te máksimo 10 dia despues di e parto. Si un kompañante kier keda mas largu, e posponementu di e buelo di regreso ta pa propio kuenta.

Abo mes ta deseá di duna lus riba un otro isla?

E deseo pa duna lus na un otro isla no ta un emergensia médiko. Den e kaso aki, bo no tin derechi pa tratamentu den eksterior. No opstante, bo por hasi un apelashon basá riba artíkulo 10 insiso 4 di e Regeling Zorgaanspraken: lo kompensá e gastunan di kuido sea kompleto òf un parti di esaki; gastunan di biahe i di hospedahe ta bo responsabilidat. Bo no por pidi kompensashon pa guia.

Bula durante embaraso

Por lo general no tin limitashon pa bula te ku e di 32 siman di e embaraso (e di 28 siman den kaso di un embaraso múltiple). Despues di esei kompanianan di aviashon ta pidi un deklarashon di 'fit-to-fly’ di bo dòkter. Despues di e di 35 siman por lo general e kompanianan no ta duna outorisashon mas. Konsultá sèmper di antemano ku e kompania di aviashon i ku bo dòkter.