Entregá un opheshon
Si bo no ta di akuerdo ku loke a kobrabo òf ku un desishon tokante bo tratamentu, bo por entrega un opheshon kontra esaki na Zorg en Jeug Caribisch Nederland (ZJCN). Esaki mester sosodé por eskrito i dentro di 6 siman.
Bo karta di opheshon mester kontené e siguiente komponentenan:
- Bo nòmber i adrès
- Fecha i bo firma
- Un deskripshon di e loke bo tin opheshon kontra dje
- E motibunan pakiko bo no ta di akuerdo ku e desishon
Si un karta di opheshon no keda entrega den e periodo di 6 siman, ZJCN lo deklará esaki komo ‘no atmisibel’ i lo no sigui trata esaki. ZJCN lo atendé bo opheshon mas lihé posibel. Nos ta aspirá pa trata bo keho por eskrito denter di e máksimo di 6 siman stipulá pa lei. Tratamentu di e opheshon por tuma mas taantu tempu, si ta nesesario pa hasi mas investigashon. Por sosodé ku ZJCN ta organisá por ehèmpel un oudiensia den kasonan asina.
Apelashon den Korte i prosedimentu disiplinario
Bo no ta di akuerdo ku e manera kon ZJCN a atendé bo keho? Bo por bai den apelashon na Korte di Hustisia di Bonaire, Sint Eustatius en Saba of eventualmente un apelashon na “Gemeenschappelijk Hof van Justitie van Curaçao, Aruba, Sint Maarten en van Bonaire, Sint Eustatius en Saba”.
Bo por entrega un keho tambe na Kolegio Mediko Disiplinario (Medisch Tuchtcollege) den kaso ku un dunadó di kuido no a anda di akuerdo ku e kódigo di kondukta di su sektor. Esaki por ehèmpel den kasonan ku e dunadó di kuido a anda ku deskuido, muchu slo òf no a suministrá sufisiente informashon.